చండ్రుగొండ, వెలుగు: మండలంలోని రేపల్లెవాడ జీపీ పరిధిలో గల సత్యనారాయణపురంలోని డబుల్ బెడ్ రూం ఇళ్ల నిర్మాణం ఎప్పుడు పూర్తి చేస్తారని బీజేపీ మండల అధ్యక్షుడు బోగి కృష్ణ ప్రశ్నించారు. శనివారం బీజేపీ మండల కమిటీ సభ్యులు ఇళ్లనిర్మాణాలను పరిశీలించారు. ఈ సందర్భంగా ఆయన మాట్లాడారు. ఇళ్ల నిర్మాణం ప్రారంభించి ఏడాది అవుతున్నా ఇప్పటికీ పునాదులకే పరిమితమైందని ఆరోపించారు.
పేదవాడి సొంతింటి కల నిజం చేస్తామని కేసీఆర్ ప్రభుత్వం మాయమాటలు చెప్పి, వారి ఆశలు అడియాశలు చేసిందని విమర్శించారు. రాబోయే ఎన్నికల్లో ప్రజలే బీఆర్ఎస్ కు గుణపాఠం చెబుతారన్నారు. బీజేపీ అధికారంలోకి రావడం ఖాయమని ఆయన పేర్కొన్నారు. ఇప్పటికైనా పాలకులు ఇచ్చిన మాటను నిలుపుకోవాలని డిమాండ్ చేశారు. కార్యక్రమంలో జ్యోతి, రాజేశ్, రాంపండు, రాంబాబు తదితరులు పాల్గొన్నారు.
