- కొత్తగూడెం ఏరియాలో కాంట్రాక్టర్స్ వింత రూల్
- సింగరేణిలో కాంట్రాక్ట్ వర్కర్స్ వెట్టి చాకిరి
- జీతం ఎప్పుడిస్తరో కూడా తెలియదు
- జాబ్లు అమ్ముకుంటున్నా పట్టించుకునేవారేరి?
భద్రాద్రి కొత్తగూడెం, వెలుగు: సింగరేణి కాలరీస్ కంపెనీ కొత్తగూడెం ఏరియాలో వివిధ విభాగాల్లో పనిచేస్తున్న కాంట్రాక్ట్ వర్కర్స్ వెట్టిచాకిరి చేస్తున్నారు. టెండర్లో వర్క్స్కు బదులు ఇతర పనులు చేయిస్తున్నారు. యాక్సిడెంట్జరిగితే కాంట్రాక్టర్తో పాటు మేనేజ్మెంట్ తమకు సంబంధం లేదన్నట్టు వ్యవహరిస్తోంది. ఏదైనా అత్యవసర పని ఉండి ఒక్కరోజు డ్యూటీకి రాకపోతే రూ. 300 ఫైన్కట్టించుకుంటున్నారు. లేదంటే డ్యూటీ బంద్ చేయాలని కాంట్రాక్టర్ హెచ్చరిస్తాడు. ఒకవేళ ఎవరికైనా కాంట్రాక్ట్ వర్కర్ జాబ్కావాలంటే రూ. 30 వేలకు పైగా వసూలు చేస్తున్నారు.
15వ తేదీ తర్వాతే జీతాలు
సింగరేణి కాలరీస్ కంపెనీ కొత్తగూడెం ఏరియాలోని మైన్స్, రుద్రంపూర్ కోల్హ్యాండ్లింగ్ ప్లాంట్(ఆర్సీహెచ్పీ), ఓసీలతో పాటు పలు డిపార్ట్మెంట్లలో దాదాపు 3వేల మందికి పైగా కాంట్రాక్ట్ వర్కర్స్ పని చేస్తున్నారు. కాంట్రాక్ట్ వర్కర్స్కు ప్రతి నెల 7వ తేదీలోపు జీతం ఇవ్వాలని రీజినల్ లేబర్ కమిషన్(ఆర్ఎల్సీ) నుంచి ఆదేశాలున్నాయి. కానీ ఇక్కడ మాత్రం ప్రతి నెల 15వ తేదీ తర్వాతనే ఇస్తున్నారు. కొన్ని విభాగాల్లో పనిచేస్తున్న వారికి నెలాఖరులో మరికొన్ని విభాగాల్లో పనిచేస్తున్న వారికి రెండు నెలలకోసారి జీతం ఇస్తుండడం కామన్గా మారింది. ప్రతి నెల ఏడో తేదీలోపు కాంట్రాక్టర్ జీతం ఇవ్వకుంటే ఆ జీతాన్ని సింగరేణి మేనేజ్మెంట్ఇచ్చి కాంట్రాక్టర్కు చెల్లించే బిల్లులోంచి జమచేసుకోవాలని ఆర్ఎల్సీ నుంచి ఆర్డర్స్ఉన్నాయి అయినా మేనేజ్మెంట్పట్టించుకోవడం లేదు.
డ్యూటీకి రాలేదా? అయితే ఫైన్కట్టు
జ్వరం వచ్చి ఒక్కరోజు ఆబ్సెంట్అయినా, బంధువులు చనిపోయినా, కొవిడ్ వ్యాక్సిన్ వేయించుకున్న తర్వాత జ్వరం, నొప్పులతో బాధపడుతున్నా డ్యూటీకి రావాల్సిందే. రాకపోతే ఆబ్సెంట్ అయిన రోజుకు రూ.300 చొప్పున కాంట్రాక్టర్ముక్కుపిండి వసూలు చేస్తున్నాడు. ఏరియాలో రుద్రంపూర్ కోల్ హ్యాండ్లింగ్ ప్లాంట్లో ఓ కాంట్రాక్టర్ ఇలా ఫైన్ల పేర దోచుకుంటున్నారని వర్కర్స్ ఆవేదన వ్యక్తం చేస్తున్నారు. ఈ మధ్య పని చేసే చోట ఓ కార్మికుడు గాయపడి నాలుగు రోజులు ఆబ్సెంట్అయితే అతడి దగ్గర రూ.1,200 ఫైన్వసూలు చేశాడని చెబుతున్నారు. మరో వర్కర్బంధువు చనిపోయినా ఇలాగే చేశాడంటున్నారు. అక్టోబర్2, మే డే వంటి హాలిడేస్లోనూ డ్యూటీ చేయాల్సిందేనని, లేకపోతే ఫైన్ కట్టాల్సిందేనంటున్నారు. డబ్బులు ఆరోజు కాకపోతే మరుసటి రోజు ఇవ్వాలని, లేకపోతే ఉద్యోగం ఉండదని బెదిరిస్తున్నారని వాపోతున్నారు.
జాబ్ కావాలంటే రూ.30 వేలు
కొత్తగా ఎవరైనా వర్కర్ జాయిన్ అయితే అతడి దగ్గరి నుంచి రూ. 30 వేల నుంచి రూ. 50వేలు కాంట్రాక్టర్ వసూలు చేస్తున్నాడు. ఇక కార్పొరేట్పరిధిలో కాంట్రాక్ట్ జాబ్ కావాలంటే రూ. 50వేల నుంచి రూ. లక్ష వరకు ఇచ్చుకోవాలి. సేఫ్టీకి ఫస్ట్ ప్రియార్టీ అని చెప్పే మేనేజ్మెంట్ కాంట్రాక్ట్ వర్కర్స్కు షూస్, టోపీలు కూడా ఇవ్వడం లేదు. ఆర్సీహెచ్పీలో రూల్స్కు అగైనెస్ట్గా పనులు చేయిస్తున్నారన్న ఆరోపణలున్నాయి. దీంతో ఇక్కడ యాక్సిడెంట్లు జరుగుతూనే ఉన్నాయి. వీటిపై కనీసం రిపోర్టింగ్ కూడా ఉండదు. యాక్సిడెంట్అయినా డ్యూటీకి రావాల్సిందేనని కాంట్రాక్టర్లు పట్టుబడుతుంటారు. బెల్ట్ఆగినప్పుడే క్లీన్ చేయాల్సి ఉన్నా బొగ్గుతో రన్నింగ్లో ఉన్న టైంలో క్లీనింగ్చేయిస్తున్నారు. సేల్ పిక్కింగ్ వర్కర్స్ను రోలర్స్ ఎత్తేందుకు, ఇతర వర్క్స్కు వాడుకుంటున్నారు. మహిళా వర్కర్స్ను ఆఫీసర్ల రూంల వద్ద పని చేయిస్తున్నారు. ఒకవేళ ఎవరైనా ఆందోళన, నిరసన వ్యక్తం చేసేందుకు ప్రయత్నిస్తే వేధిస్తారని చెబుతున్నారు.
శ్రమదోపిడి చేస్తున్నారు
కాంట్రాక్ట్ వర్కర్స్ను సింగరేణి, కాంట్రాక్టర్లు శ్రమ దోపిడీకి గురి చేస్తున్నారు. సంబంధం లేని పనులు చేయిస్తున్నారు. ప్రతి నెల 7వ తేదీన జీతం ఇవ్వాలని ఆర్ఎల్సీ చెప్పినా కాంట్రాక్టర్లు ఇవ్వడం లేదు. ఆఫీసర్ల దృష్టికి తీసుకెళితే ఇప్పిస్తామని, తర్వాత పట్టించుకోవడం లేదు.
- రాసూరి శంకర్, సింగరేణి కాంట్రాక్ట్ కార్మికుల హక్కుల పరిరక్షణ సంఘం ప్రెసిడెంట్, కొత్తగూడెం
ఫైన్ వేయడమేంటి ?
ఒక్క రోజు డ్యూటీకి రాకపోతే ఫైన్వేయడమేంటి? ఆరోగ్యం బాగా లేకపోతే డ్యూటీకి ఎలా వస్తారు? టెండర్లో కోట్ చేసినట్టే పనులు చేయించాలి. పలువురు కాంట్రాక్టర్లు ఇష్టారాజ్యంగా పనుల చేయిస్తూ వేధిస్తున్నారు. పద్ధతులు మార్చుకోకపోతే పోరాటాలు తప్పవు.
- సంజయ్, ఇఫ్టూ జిల్లా లీడర్
ఎంక్వైరీ చేయిస్తా
డ్యూటీకి రాకుంటే ఫైన్ వేయడం కరెక్ట్కాదు. ఇంత వరకు ఈ విషయం నా దృష్టికి రాలేదు. దీనిపై ఎంక్వైరీ చేయిస్తా. ప్రతి నెల 7వ తేదీలోపు జీతం ఇచ్చేలా కాంట్రాక్టర్లతో మాట్లాడాలని ఆఫీసర్లను ఆదేశించా. సేఫ్టీ విషయంలో రాజీ పడేది లేదు.
వర్కర్స్కు కాంట్రాక్టర్ షూస్, టోపీలను ఇచ్చేలా చర్యలు తీసుకుంటా.
- సీహెచ్. నర్సింహారావు, ఏరియా జీఎం, సింగరేణి కొత్తగూడెం ఏరియా
