V6 News Velugu

హై ఓల్టేజ్ యాక్షన్ మూవీలో మన్మథుడు

V6 Velugu Posted on Jun 16, 2021

 ‘శివ’ మొదలు ఇప్పటి వరకు తన కెరీర్‌‌‌‌లో ఎన్నో కొత్త తరహా కాన్సెప్టుల్ని టచ్ చేసిన నాగార్జున, ఇప్పుడో భారీ యాక్షన్ మూవీలో నటిస్తున్నారు. ప్రవీణ్ సత్తారు దర్శకత్వం వహిస్తున్న ఈ చిత్రం ఫిబ్రవరిలో ప్రారంభమైంది. లాక్‌‌డౌన్‌‌ వల్ల ఆగిన షూటింగుని త్వరలో తిరిగి స్టార్ట్ చేయబోతున్నారు. ఈ మూవీలో చీఫ్ సెక్యూరిటీ ఆఫీసర్‌‌‌‌గా నటిస్తున్నారు నాగార్జున. ఆయన పాత్రను ఎంతో స్టైలిష్‌‌గా డిజైన్ చేశాడట ప్రవీణ్. త్వరలోనే నాగ్‌‌పై హై ఓల్టేజ్ యాక్షన్ సీక్వెన్స్ తీసేందుకు ప్లాన్ చేస్తున్నారు. ఈ సీన్స్‌‌ ఇంటర్నేషనల్ స్టాండర్డ్స్‌‌లో ఉంటాయని చెబుతున్నారు. ఇందుకోసం నాగ్ ప్రత్యేకంగా ఇజ్రాయెల్ సెల్ఫ్ డిఫెన్స్ టెక్నిక్స్‌‌లో ట్రైనింగ్ తీసుకుంటున్నట్టు తెలుస్తోంది. కత్తిసాము, క్రావ్ మాగా లాంటి యుద్ధ విద్యల్లో ఈ ట్రైనింగ్ ఉంటుందట. మొత్తానికి యంగ్ హీరోలకి పోటీనిచ్చేలా పవర్‌‌‌‌ఫుల్ యాక్షన్ సీక్వెన్స్‌‌తో సర్‌‌‌‌ప్రైజ్‌‌ చేయబోతున్నారు నాగార్జున. ఆయనకి జంటగా కాజల్ అగర్వాల్ నటిస్తోంది. నారాయణదాస్ నారంగ్, పి.రామ్మోహన్‌‌రావు, శరత్ మరార్ కలిసి నిర్మిస్తున్నారు. ఈ సినిమా తర్వాత ‘సోగ్గాడే చిన్నినాయన’ ప్రీక్వెల్ 'బంగార్రాజు'లో నటించబోతున్నారు నాగార్జున. ప్రస్తుతం స్క్రిప్ట్ దశలో ఉన్న ఈ ప్రాజెక్ట్‌‌పై త్వరలో అనౌన్స్‌‌మెంట్‌‌ రానుంది.

Tagged tollywood, Nagarjuna, Actor Nagarjuna, kajal agarwal, nagarjuna new movie, director praveen sattaru