వయసు దాదాపు ముప్పై ఏండ్లు.. కంపెనీ పెట్టి సరిగ్గా మూడేండ్లు.. కంపెనీలో పనిచేసే స్థాయి నుంచి తానే ఒక సామ్రాజ్యాన్ని నిర్మించే స్థాయికి ఎదిగాడు అరవింద్ శ్రీనివాసన్. భారతీయుడిగా ఒకప్పుడు ప్రపంచవ్యాప్తంగా వాడుకలో ఉన్న అతిపెద్ద కంపెనీ గూగుల్లో ఉద్యోగం సంపాదించాలని కలలు కన్న కుర్రాడు. ఇప్పుడు ఆ గూగుల్నే కొనడానికి సిద్ధంగా ఉన్నానని చెప్పి ఒక్కసారిగా షాక్ ఇచ్చాడు.
‘పర్ప్లెక్సిటీ’ అనే పేరుతో ఒక ఏఐ కంపెనీని ఆవిష్కరించిన అరవింద్ ఇప్పుడు దానికి కో–ఫౌండర్, సీఈఓగా ఉన్నాడు. రాబోయే రోజుల్లో ఎన్ని ఏఐ కంపెనీలు పుట్టుకొచ్చినా పర్ప్లెక్సిటీ మాత్రం కేవలం టూల్గా కాకుండా.. ఇది పర్ఫెక్ట్ ఏఐ ఏజెంట్లా పనిచేస్తుందని బలంగా చెప్తున్నాడు. ప్రస్తుతం పది కోట్లమంది యూజర్లతో నడుస్తోన్న ఈ కంపెనీ వచ్చే ఏడాదికల్లా వంద కోట్ల యూజర్లను టార్గెట్గా పెట్టుకుని పనిచేస్తోంది.
సెర్చ్ ఇంజిన్ అనగానే గుర్తొచ్చే పేరు గూగుల్. ప్రపంచమంతా వాడుతోన్న గూగుల్ తన సేవలను ఎప్పటికప్పుడు విస్తృతం చేస్తోంది. కేవలం సెర్చ్ ఇంజిన్ ద్వారానే కోట్లు కొల్లగొడుతోంది. అలాంటి గూగుల్కు ఆర్టిఫిషియల్ ఇంటెలిజెన్స్ తోడైంది. అలా గూగుల్ జెమిని ఏఐ యూజర్లకు పరిచయం అయింది. అప్పటికే మార్కెట్లో ఉన్న ఓపెన్ ఏఐ కంపెనీ చాట్జీపీటీతో యూజర్లను తమ వశం చేసుకుంది. దాంతో గూగుల్ సెర్చింగ్ చేసేవాళ్ల సంఖ్య క్రమంగా తగ్గుతూ వచ్చింది. ఈ క్రమంలోనే గ్రోక్ వంటి ఇతర ఏఐ టూల్స్ కూడా వెలుగులోకి వచ్చాయి. వీటన్నింటికీ ధీటుగా ఉండాలనే ఉద్దేశంతో జెమిని ఏఐని ఎప్పటికప్పుడు అప్డేట్ చేస్తూ వస్తోంది గూగుల్.
ఇలా ఏఐ మార్కెట్ గురించి హడావిడి నెలకొన్న వేళ.. వాటి మధ్యలోకి మరొక కొత్త కంపెనీ వచ్చింది. అదే పర్ప్లెక్సిటీ. ఈ కంపెనీ గూగుల్, మైక్రోసాఫ్ట్, ఓపెన్ ఏఐ.. ఇలా ఏ సంస్థతో కంపేర్ చేసినా చాలా చిన్నది. నిజానికి ఈ కంపెనీని స్టార్ట్ చేసేందుకు మొదట్లో అరవింద్ శ్రీనివాస్ దగ్గర తగినంత డబ్బు కూడా లేదు. అందుకే ఈ పోటీ ప్రపంచంలో తన ఆలోచనను ఆవిష్కరిస్తే.. తప్పకుండా కోట్లు ఆర్జించవచ్చు అనే ఆత్మస్థైర్యంతో ముందడుగు వేశాడు. ప్రస్తుతం ‘టాప్ మోస్ట్ ఇన్ఫ్లుయెన్షియల్ పీపుల్ ఇన్ ఏఐ’ లిస్ట్లో ఒకరిగా నిలిచాడు.
ఎలక్ట్రికల్ ఇంజినీర్ చదివినా...
చెన్నైకి చెందిన అరవింద్ శ్రీనివాస్1994లో ఒక సాధారణ మధ్యతరగతి కుటుంబంలో పుట్టాడు. ఐఐటీ మద్రాస్లో ఎలక్ట్రికల్ ఇంజినీరింగ్ చదివాడు. అప్పట్లో కంప్యూటర్ సైన్స్ గ్రూప్లోకి మారడం వీలుకాకపోవడంతో పైథాన్ నేర్చుకున్నాడు. తర్వాత కాలిఫోర్నియా యూనివర్సిటీ బెర్కెలీలో మెషిన్ లెర్నింగ్లో పీహెచ్‌డీ పూర్తి చేశాడు. ఓపెన్ ఏఐ, డీప్ మైండ్ కంపెనీల్లో ఇంటర్న్షిప్ చేశాడు. అందులోభాగంగా గూగుల్లో కూడా ట్రైనీగా పనిచేశాడు. ఆ టైంలోనే అతనికి ఒక మెరుపులాంటి ఆలోచన తట్టింది. ఇక ఫ్యూచర్ అంతా ఆర్టిఫిషియల్ ఇంటెలిజెన్స్దేనని గుర్తించాడు. తనకంటూ ఒక గుర్తింపు సంపాదించాలని జాబ్ వదిలేశాడు. ఇతర కంపెనీల్లోని లోపాలను తన అవకాశాలుగా మార్చుకున్నాడు.
తన ఆలోచన అమెజాన్ ఫౌండర్ జెఫ్ బెజోస్కు నచ్చింది. 2022లో ‘పర్ప్లెక్సిటీ’ ఆలోచనను ప్రపంచం ముందు ఆవిష్కరించాడు. దీని గురించి మాట్లాడుతూ.. ‘‘మొదట జెఫ్ బెజోస్కు నా ఐడియా చెప్పడానికి వెళ్లినప్పుడు ఆయన డెమో చేయమని చెప్పారు. చేసిన తర్వాత ఇంకా క్లారిటీ కోసం పేపర్ మీద రాయమని చెప్పారు. ఆరు పేజీలు రాసిస్తే.. ఆయనే చదివారు. అలా రెండు మూడు సార్లు మీటింగ్ జరిగింది. ఆయన ఎన్నో విషయాలు నాకు చెప్పారు. కొన్ని సూచనలు, సలహాలు కూడా ఇచ్చారు. ఎప్పటికప్పుడు అప్డేట్ గమనిస్తూనే ఉంటారు. ఆయన ఫండింగ్కి ముందుకు రావడం వల్లే మా కంపెనీ పేరు ప్రపంచానికి తెలిసింది” అని చెప్పాడు. ఆయనతోపాటు యూట్యూబ్ మాజీ సీఈఓ సుశాంత్, టెక్ కంపెనీ అయిన ఎన్వీడియా వారు తను సృష్టించబోయే కొత్త టెక్నాలజీకి పెట్టుబడులు అందించారు.
దాంతో జానీ హో, ఆండీ కాన్‌ విన్‌స్కీ, డెనియా యారట్స్తో కలిసి స్టార్టప్‌ పెట్టాడు. ఇప్పటికే గూగుల్, యాహూ, బింగ్.. వంటి సెర్చ్ ఇంజిన్లు అందుబాటులో ఉన్నప్పటికీ వాటికి భిన్నంగా, మరింత అధునాత టెక్నాలజీతో ఉండాలని పర్ప్లెక్సిటిని రూపొందించాడు. ఈ సెర్చ్ ఇంజిన్లో ప్రతి ప్రశ్నకూ సమాధానం వివరణాత్మకంగా దొరుకుతుంది. అంతేకాదు.. ఆ ఇన్ఫర్మేషన్ ఎక్కడి నుంచి తీసుకుందో కూడా చూపిస్తుంది. రియల్ టైంలో సమాచారాన్ని అందిస్తోన్న ఈ సెర్చ్ ఇంజిన్ మూడేండ్లలోనే రెండు కోట్లమంది యూజర్లకు చేరువయ్యింది. అలానే కోట్లలో పెట్టుబడులు అందుకుంది. కొంతకాలానికే ఫాస్టెస్ట్ గ్రోయింగ్ ఏఐ కంపెనీగా మారింది. ఒక ఏడాదికే బిలియన్ మార్క్ దాటిన ఈ కంపెనీ యూనీకార్న్గా మారింది.
గూగుల్ క్రోమ్ను కొనేందుకు..
పర్ప్లెక్సిటీ లేటెస్ట్గా తీసుకొచ్చిన ఏఐ బ్రౌజర్ ‘కామెట్’. ఇది ఒక కంపెనీకి కావాల్సిన ఇంజినీర్లను గుర్తించడం, వాళ్ల లింక్డ్ ఇన్ ప్రొఫైల్స్ను సేకరించడం, ఇండివిడ్యువల్ ఈ మెయిల్స్ పంపడం వంటివి ఆటోమెటిక్గా చేస్తుంది. అంటే రిక్రూటర్లు చేసే పనిని కూడా ఈ ఏఐ టూల్స్ చేస్తాయి. గూగుల్ క్యాలెండర్ను కూడా మేనేజ్ చేయగలదు. షెడ్యూల్స్ ప్లాన్ చేసి మీటింగ్ సారాంశాన్ని రెడీ చేసి ఇస్తుంది. ఇది సెర్చ్ ఇంజిన్ కాదు.. ఏఐ ఏజెంట్ లాంటిది అని అరవింద్ పేర్కొన్నారు. ఈ విధంగా చూస్తే రిక్రూటర్లు, ఎగ్జిక్యూటివ్ అసిస్టెంట్లు వంటి ఉద్యోగాలను ఏఐ భర్తీ చేస్తుందని చెప్తున్నారు. గూగుల్.. యాపిల్, శాంసంగ్ వంటి పెద్ద కంపెనీలతో అగ్రిమెంట్ చేసుకుంది. ఆ కంపెనీల డివైజ్ల్లో గూగుల్ సెర్చ్ డిఫాల్ట్గా ఉండడం కోసం వాళ్లు కొంత మొత్తాన్ని చెల్లిస్తున్నారు.
అయితే.. గూగుల్ పాలసీలు చట్టవిరుద్ధమని, కోర్టును ఆశ్రయించాయి. అమెరికా గవర్నమెంట్ గూగుల్ క్రోమ్ను అమ్మాలని, ఇతర ప్లాట్ఫాంలలో ప్రత్యేక ప్రమోషన్లు చేసుకునేందుకు చెల్లింపులు ఆపాలని ఆదేశించింది. ఇదిలా ఉంటే.. పది కోట్ల మంది యూజర్లు ఉన్న పర్ప్లెక్సిటీ 2026 నాటికి వంద కోట్ల యూజర్లను పొందడమే టార్గెట్గా పెట్టుకుంది. ఈ క్రమంలోనే గూగుల్ క్రోమ్ను కొంటామని ఆఫర్ చేసింది. క్రోమ్ కోర్ ఇంజిన్ అయిన క్రోమియంను ఓపెన్ సోర్స్గా కంటిన్యూ చేస్తామని పర్ప్లెక్సిటీ చెప్పింది. ఏటా దాదాపు 3 బిలియన్ డాలర్ల పెట్టుబడి పెడతామని చెప్పింది. ఇదే జరిగితే పర్ప్లెక్సిటీ డిఫాల్ట్ సెర్చ్ ఇంజిన్గా కూడా మార్చబోమని చెప్పింది. గూగుల్ క్రోమ్నే కొనసాగిస్తామని తెలిపింది.
పర్ప్లెక్సిటీ.. సెర్చ్ ఇంజిన్
జెమిని, డీప్ సీక్, చాట్జీపీటీలోని మోడల్స్ను వాటిని ఇంట్రడ్యూస్ చేసిన కంపెనీ వాళ్లు వేరే వాటిని వాడరు. కానీ, పర్ప్లెక్సిటీ అలా కాదు.. డీప్ సీక్ ఆర్1, జెమిని ఫ్లాష్ 2.0, క్లాడ్ 3.5 సోనెట్, o3–మిని, జీపీటీ 4o, సోనార్, గ్రోక్ 2.. వీటిన్నింటినీ పర్ప్లెక్సిటీ ప్రొ సబ్స్క్రిప్షన్ ద్వారా అందిస్తోంది. అందుకు కేవలం నెలకు 20 డాలర్లు వెచ్చించాలని ట్విట్టర్లో అరవింద్ ట్వీట్ చేశాడు. ఈ మోడల్స్ అన్నింటినీ అవి లాంచ్ అయిన రోజే ఇంటిగ్రేట్ చేసింది పర్ప్లెక్సిటీ. అందుకు కారణం.. పర్ప్లెక్సిటీ చాట్బాట్గా కాకుండా సెర్చ్ ఇంజిన్గా చెప్పుకుంది. కాబట్టి ఏఐ మోడల్స్తో సంబంధం లేకుండా కేవలం యూజర్ అడిగిన ప్రశ్నలకు సరైన సమాధానాలు లేదా బెస్ట్ ఇన్ఫర్మేషన్ను అందివ్వడమే పనిగా పెట్టుకుంది.
అంతేకాదు.. గూగుల్ వియో లానే పర్ప్లెక్సిటీ ప్రొలో కూడా ఏఐ వీడియోలు జనరేట్ చేయొచ్చు. ఈ యాప్ ద్వారా మనకు ఎలాంటి వీడియో కావాలో టెక్స్ట్ రూపంలో ఇస్తే.. వీడియో క్రియేట్ చేస్తుంది. 8 సెకన్ల నిడివితో వీడియోలు చేయొచ్చు. క్రియేట్ చేసిన వీడియో కింద ఉన్న మూడు చుక్కలను క్లిక్ చేస్తే.. వీడియో డౌన్లోడ్ లేదా షేర్ ఆప్షన్లు చూపిస్తుంది. కావాల్సిన ఆప్షన్ను ఎంచుకోవచ్చు. ఒకవేళ వీడియో బాగా రాకపోతే నచ్చినట్లు ఎడిట్ చేసుకోవడానికి టెక్స్ట్ను మార్చాల్సి ఉంటుంది. అంతేకాదు.. వీడియోలో ఏమైనా అన్వాంటెడ్గా ఉంటే రిపోర్ట్ కూడా చేయొచ్చు. ప్రస్తుతం ఎయిర్టెల్ ద్వారా ఏడాదిపాటు ఫ్రీగా సర్వీస్లను అందిస్తోంది.
