ఓయూ, వెలుగు: నీట్–2024 నిర్వహణలో అవకతవకలు జరిగాయని, సుప్రీంకోర్టు జడ్జితో విచారణ జరిపించాలని ఏఐఎస్ఎఫ్ నాయకులు డిమాండ్ చేశారు. నిర్వహణ లోపానికి బాధ్యత వహిస్తూ నేషనల్ టెస్టింగ్ ఏజెన్సీ సుబోత్ కుమార్ సింగ్ తక్షణమే రాజీనామా చేయాలన్నారు. బుధవారం ఓయూలో ఏఐఎస్ఎఫ్నాయకులు నెల్లి సత్య మీడియాతో మాట్లాడారు. నీట్ నిర్వహించిన తీరు, ఫలితాలు వెల్లడించిన విధానంలో అనేక అనుమానాలు ఉన్నాయన్నారు.
మే 4కు ముందే నీట్ క్వశ్చన్పేపర్ లీక్ అయిందని, చాలా మంది స్టూడెంట్లకు చినిగిన ఓఎంఆర్ షీట్లు ఇచ్చారని, కొన్ని సెంటర్లలో సకాలంలో ఎగ్జామ్నిర్వహించలేదని ఆరోపించారు. జూన్14న ప్రకటించాల్సిన ఫలితాలను, జూన్ 4న ఎందుకు ప్రకటించారని ప్రశ్నించారు. ఒకే సెంటర్లో ఎగ్జామ్రాసిన ఆరుగురు స్టూడెంట్లకు 720 కి 720 ఎలా వస్తాయని నిలదీశారు. కేంద్ర ప్రభుత్వం స్పందించి, సుప్రీంకోర్టు జడ్జితో విచారణ జరిపించాచి, దోషులను కఠినంగా శిక్షించాలని డిమాండ్చేశారు. నీట్ను మళ్లీ నిర్వహించాలని కోరారు. సమావేశంలో ఏఐఎస్ఎఫ్ ఓయూ సహాయ కార్యదర్శి భగత్, నాయకులు శ్రీకాంత్, నాగరాజు, రమేశ్, దిలీప్, శశివర్ధన్ తదితరులు పాల్గొన్నారు.
సీబీఐతో విచారణ జరపాలి: ఏబీవీపీ
నీట్ నిర్వహణపై వస్తున్న ఆరోపణలపై కేంద్రం స్పందించాలని, సీబీఐతో విచారణ జరిపించాలని ఏబీవీపీ స్టేట్ వర్కింగ్ కమిటీ మెంబర్ అలివేలి రాజు కోరారు. ఈ మేరకు బుధవారం ఆయన ఒక ప్రకటన విడుదల చేశారు. నిపుణుల కమిటీని ఏర్పాటు చేసి, నిజానిజాలను తేల్చాలన్నారు. దాదాపు 67 మందికి ఫుల్మార్స్స్వచ్చాయని, ఇలా జరగడం అసాధ్యమని నిపుణులు చెబుతున్నారన్నారు.
