బాలీవుడ్ స్టార్ హీరో అజయ్ దేవగన్ (Ajay Devgn), మాధవన్ (Madhavan), జ్యోతిక (Jyotika) లీడ్ రోల్స్లో నటిస్తున్న చిత్రం సైతాన్ (Shaitaan). క్వీన్, సూపర్ 30, గుడ్ బై లాంటి చిత్రాలను తీసిన వికాస్ బహెల్ ఈ సినిమాని తెరకెక్కించాడు. సూపర్ నేచురల్ థ్రిల్లర్ కథాంశంతో వస్తున్న ఈ మూవీ ట్రైలర్ రిలీజ్ చేశారు మేకర్స్.
థ్రిల్లింగ్ ఎక్స్పీరియన్స్తో ట్రైలర్ ఆడియాన్స్లో ఇంట్రెస్ట్ పెంచుతోంది. మాధవన్ ఒక సైతాన్. అతడు దేవగన్ కుమార్తెను వశపరుచుకుంటాడు. యువతిపై వశీకరణ మంత్రాన్ని ప్రయోగిస్తాడు. అనూహ్యంగా ఆ యువతి ఇంట్లోనే అతడు సాగించే భయానకమైన ఆట ఏమిటన్నది ఈ ట్రైలర్లో చూడొచ్చు.
వెకేషన్ కోసం మారుమూల గ్రామానికి వెళ్లిన కుటుంబం..ఓ అపరిచిత వ్యక్తి కారణంగా చిక్కుల్లో పడతారు. అతను ప్రయోగించిన డార్క్ మేజిక్ నుంచి ఆ కుటుంబం ఎలా బయటపడింది అనేది అసలు కథ.
గత ఏడాది ఫిబ్రవరిలో విడుదలై సక్సెస్ సాధించిన ‘వశ్’ అనే గుజరాతీ సినిమాకు సైతాన్ రీమేక్ గ తెరకెక్కింది. ఇక ఒరిజినల్ మూవీలో ఇంపార్టెంట్ రోల్ చేసిన గుజరాతీ నటి జాంకీ బోడివాలా, హిందీలోనూ నటిస్తోంది. ఇక పాతికేళ్ల తర్వాత ఈ సినిమాతో తిరిగి బాలీవుడ్లో రీ ఎంట్రీ ఇస్తోంది జ్యోతిక. అజయ్ దేవగన్కు జంటగా ఆమె నటిస్తోంది. జియో స్టూడియోస్ సమర్పణలో అజయ్ దేవగన్, జ్యోతి దేశ్పాండే, అభిషేక్ పాఠక్ ఈ సినిమాని నిర్మిస్తున్నారు. మార్చి 8న ఈ సినిమా రిలీజ్ కానుంది.