అల్లరి నరేష్ (Allari Naresh) హీరోగా నటించిన అప్ కమింగ్ రిలీజ్ మూవీ ‘12ఎ రైల్వే కాలనీ’. హార్రర్ బ్యాక్‌డ్రాప్ లో వస్తున్న ఈ మూవీలో పొలిమేర ఫేమ్' కామాక్షి భాస్కర్ల హీరోయిన్ గా నటిస్తుంది. నాని కాసరగడ్డ దర్శకత్వం వహించగా, పొలిమేర’, ‘పొలిమేర 2’ సినిమాలకి పనిచేసిన రైటర్‌ కం డైరెక్టర్ అనిల్ విశ్వనాథ్ కథను అందించారు. అంతేకాకుండా కథ, స్క్రీన్ ప్లే, మాటలు & షోరన్నర్గా అనిల్ వ్యవహరించారు.
లేటెస్ట్గా ఈ మూవీకి సంబంధించిన రిలీజ్ డేట్ అనౌన్స్ చేశారు మేకర్స్. వచ్చే నెల నవంబర్‌ 21న మూవీ థియేటర్లో రిలీజ్ కానుందంటూ ప్రకటిస్తూ, ఓ వీడియో రిలీజ్ చేశారు. ఇప్పటికే, రిలీజైన 12ఎ రైల్వే కాలనీ టీజర్ సినిమాపై ఉత్కంఠ కలిగేలా చేసింది. అల్లరి నరేష్తో పొలిమేర డైరెక్టర్ ఓ సరికొత్త ప్రయత్నం చేస్తున్నాడంటూ ప్రశంసలు కూడా వచ్చాయి. ఇక ఎట్టకేలకు రిలీజ్ డేట్ ప్రకటించడంతో నరేష్ ఫ్యాన్స్ అలర్ట్ అయ్యారు.
‘12ఎ రైల్వే కాలనీ’ టీజర్ విషయానికి వస్తే: ‘12ఎ రైల్వే కాలనీ’టీజర్ హార్రర్ నేపథ్యంతో థ్రిల్లింగ్గా ఉంది. "ఈ ఆత్మలు కొంతమందికే ఎందుకు కనిపిస్తాయి. అందరికీ ఎందుకు కనిపించవు" అనే డైలాగ్తో టీజర్ మొదలై సినిమాపై సస్పెన్స్ క్రియేట్ చేసింది. ‘ప్రాణాలతో బయటకు పోవుడు అవసరం లేదన్న...!’’అంటూ టీజర్ చివర్లో నరేశ్‌ చెప్పే డైలాగ్ ఉత్కంఠ రేపుతోంది. అలాగే ఇందులో కనిపించే పాత్రలు ఒక్కటిగా చూపిస్తూ ఆసక్తి రేపారు.
దాదాపు పొలిమేర సిరీస్లో నటించిన వారే ఇందులో కనిపించడం విశేషం. వీటికి తోడు భీమ్స్ ఇచ్చిన బ్యాక్ గ్రౌండ్ మ్యూజిక్ మరింత భయపడేలా చేస్తోంది. మరి పొలిమేర లాంటి ఇంటెన్స్ థ్రిల్లింగ్ ఎలిమెంట్స్ ఇందులో పుష్కలంగా ఉన్నట్లు టీజర్ చూస్తే అర్ధమవుతోంది.
సిల్వర్ స్క్రీన్ పతాకంపై శ్రీనివాస చిట్టూరి ఈ మూవీని నిర్మించారు. ఇందులో డాక్టర్ కామాక్షి భాస్కర్లతో పాటుగా, సాయి కుమార్, వైవా హర్ష, గెటప్ శ్రీను, సద్దాం, జీవన్ కుమార్, గగన్ విహారి, అనీష్ కురువిల్లా, మధుమణి తదితరులు కీలక పాత్రలు పోషిస్తున్నారు. ఈ సినిమాకు భీమ్స్ సిసిరోలియో సంగీతం అందించారు.
