యానిమల్(Animal) సినిమా బాక్సాఫీస్ దగ్గర క్రియేట్ చేసిన సంచనాలు అన్నీ ఇన్నీ కాదు. సౌత్ డైరెక్టర్ సందీప్ రెడ్డి వంగ(Sandeep reddy vanga) బాలీవుడ్ లో తెరకెక్కించిన ఈ సినిమా బిగ్గెస్ట్ హిట్ గా నిలిచింది. బాలీవుడ్ స్టార్ రణ్బీర్ కపూర్(Ranbir kapoor), నేషనల్ క్రష్ రష్మిక మందన్నా(Rashmika Mandanna) జంటగా వచ్చిన ఈ సినిమాకు ప్రేక్షకులు ఫిదా అయిపోయారు. కేవలం రూ.250 కోట్ల బడ్జెట్ తో తెరకెక్కించిన ఈ సినిమా దాదాపు రూ.900 కోట్లు కలెక్ట్ చేసి సరికొత్త రికార్డ్స్ క్రియేట్ చేసింది. తెలుగు డైరెక్టర్ కావడంతో సౌత్ లో కూడా మంచి బజ్ క్రియేట్ అయ్యింది ఈ సినిమాకు. దాంతో సౌత్ లో కూడా భారీ విజయాన్ని సాధించింది ఈ మూవీ.
ఇక యానిమల్ సినిమా థియేటర్స్ కు వచ్చి దాదాపు రెండు నెలలు కావస్తున్నా ఓటీటీ రిలీజ్ పై ఎలాంటి క్లారిటీ రాలేదు. నిజానికి ఆడియన్స్ కూడా ఈ సినిమా ఓటీటీ రిలీజ్ కోసం చూస్తున్నారు. జనవరి 26న ఓటీటీకి రానుందని అనే వార్తలు కూడా వినిపించాయి.. డిజిటల్ రైట్స్ తీసుకున్న ఓటీటీ సంస్థ నెట్‌ఫ్లిక్స్‌ కూడా అదే విషయాన్నీ కన్ఫర్మ్ చేసింది. అయితే.. అనుకోని విధంగా ఈ సినిమాపై కోర్టు స్టే విధించింది. దాంతో జనవరి 26న ఈ సినిమా ఓటీటీ రిలీజ్ ఉంటుందా ఉండదా అనే అనుమానాలు వ్యక్తం అయ్యాయి.
Animal on Netflix, Jan 26th. pic.twitter.com/Ns3Q4yH9np
— LetsCinema (@letscinema) January 20, 2024
తాజాగా ఈ విషయం క్లారిటీ వచ్చేసింది. ఈ సినిమాపై తలెత్తిన వివాదానికి తెరపడింది. రెండు పార్టీలు ఒక మాటపైకి రావడంతో వివాదం సద్దుమణిగింది. అదే విషయాన్ని కోర్టుకు తెలియజేయడంతో.. యానిమల్ ఓటీటీ రిలీజ్ పై స్టే ఎత్తివేసింది కోర్టు. ముందుగా అనుకున్నట్లుగానే జనవరి 26న ఈ సినిమా ఓటీటీలో రానుంది. దీంతో అనిమల్ సినిమా ఫ్యాన్స్ ఫుల్ ఖుషీ అవుతున్నారు. మరి థియేటర్స్ లో భారీ హిట్ సాధించిన ఈ సినిమాకు ఓటీటీలో ఎలాంటి స్పందన వస్తుందో చూడాలి.
