కుర్ర హీరోయిన్ల తాకిడికి సీనియర్ హీరోయిన్లు జోరు తగ్గించేస్తుంటారు. కానీ, సౌత్ ఇండస్ట్రీలో తాజా పరిస్థితులు అందుకు భిన్నంగా కనిపిస్తున్నాయి. నాలుగు పదుల వయసులో త్రిష సత్తా చూపుతోంది. నయన తార స్టార్ హీరోలతో ఆఫర్లు అందుకుంటోంది. ఇప్పుడు తెలుగమ్మాయి అంజలి కూడా అదే బాటలో నడుస్తోంది. షాపింగ్ మాల్, జర్నీ వంటి సినిమాలతో పేరు తెచ్చుకున్న అంజలికి తెలుగులో పెద్దగా ఆఫర్లు రాలేదు.
కానీ, ఆ మధ్య చేసిన కొన్ని వెబ్ సిరీస్లు ఆమె కెరీర్ను మార్చేశాయని చెప్పొచ్చు. గ్లామర్ షోకి హద్దులు చెరిపేసి చేసిన సీన్లు ఆమెకు కలిసొచ్చాయి. దీంతో శంకర్– రాంచరణ్ కాంబోలో వస్తున్న గేమ్ఛేంజర్లో చాన్స్ కొట్టేసింది. ప్రస్తుతం కుర్ర హీరో విశ్వక్ సేన్ సినిమాలో రత్నమాలగా పవర్ఫుల్ రోల్ చేస్తోంది. ఈ సినిమాలు క్లిక్ అయితే అంజలి కెరీర్ పరంగా బిజీగా మారే చాన్స్ ఉంది. ఇటీవల తన 50వ సినిమాను కూడా ఈ బ్యూటీ ప్రకటించింది.
