పద్మ విభూషణ్ మెగాస్టార్ చిరంజీవికి(Chiranjeevi) సినీ, రాజకీయ ప్రముఖుల నుంచి పుట్టినరోజు శుభాకాంక్షలు వెల్లువెత్తుతున్నాయి. తాజాగా చిరంజీవికి ఆంధ్రప్రదేశ్ ముఖ్యమంత్రి చంద్రబాబు నాయుడు (Chandrababu) సోషల్ మీడియా వేదికగా జన్మదిన శుభాకాంక్షలు తెలిపారు.
"పద్మ విభూషణ్ మెగాస్టార్ చిరంజీవి గారికి నా హృదయపూర్వక జన్మదిన శుభాకాంక్షలు. స్వయంకృషితో సినీరంగంలో ఎన్నో విజయాలను అందుకుని, ఎన్నో అద్భుతమైన పాత్రలు పోషించిన ఆయన వెండితెర ఆణిముత్యం. తరాలు మారినా చెక్కుచెదరని ప్రేక్షకాభిమానం ఆయన సొంతం.
చిరంజీవి స్థాపించిన ఐ బ్యాంక్, బ్లడ్ బ్యాంక్ లు తనలోని మానవత్వానికి నిదర్శనం. చిరంజీవి గారు మరెన్నో విజయాలు సాధించాలని మనస్ఫూర్తిగా ఆకాంక్షిస్తున్నాను. పేరు సార్ధకం చేసుకునేలా ఆయన చిరంజీవిగా ఉండాలని, ఆయనకు భగవంతుడు సంపూర్ణ ఆయురారోగ్యాలు ప్రసాదించాలని కోరుకుంటున్నాను" అని ముఖ్యమంత్రి చంద్రబాబు నాయుడు తెలిపారు.
పద్మ విభూషణ్ మెగాస్టార్ చిరంజీవి గారికి నా హృదయపూర్వక జన్మదిన శుభాకాంక్షలు. స్వయంకృషితో సినీరంగంలో ఎన్నో విజయాలను అందుకుని, ఎన్నో అద్భుతమైన పాత్రలు పోషించిన ఆయన వెండితెర ఆణిముత్యం. తరాలు మారినా చెక్కుచెదరని ప్రేక్షకాభిమానం ఆయన సొంతం. ఆయన స్థాపించిన ఐ బ్యాంక్, బ్లడ్ బ్యాంక్ లు… pic.twitter.com/Sdt9tqu28N
— N Chandrababu Naidu (@ncbn) August 22, 2024
