విశాఖలో షర్మిల ఆమరణ నిరాహార దీక్ష.. ఎందుకంటే..

ఏపీసీసీ అధ్యక్షురాలు .. వైఎస్ షర్మిల విశాఖ స్టీల్ ప్లాంట్ కార్మికులకు అండగా నిలిచారు. వైజాగ్ స్టీల్ ప్లాంట్‌ను ప్రైవేటీకరించడానికి వ్యతిరేకంగా ఏపీసీసీ చీఫ్ వైఎస్ షర్మిల ఆమరణ నిరాహార దీక్ష చేపట్టారు. స్టీల్ ప్లాంట్ లో విధుల నుంచి తొలగించిన 2 వేల మంది కాంట్రాక్ట్ ఉద్యోగుల్ని వెంటనే విధుల్లోకి తీసుకోవడంతో పాటు ఇతర డిమాండ్లను కూడా యాజమాన్యం పరిష్కరించాలని షర్మిల డిమాండ్ చేశారు.

విశాఖ స్టీల్ ప్లాంట్ కార్మికులకు మద్దతుగా ఏపీసీసీ చీఫ్ వైఎస్ షర్మిల ఆమరణ దీక్షకు దిగడంతో పోలీసులు అక్కడ భారీ బందోబస్తు ఏర్పాటు చేశారు. కార్మికుల సమస్యలను కేంద్ర, రాష్ట్ర ప్రభుత్వాలు పట్టించుకోవడం లేదని వైఎస్ షర్మిల విమర్శించారు. షర్మిల ఆమరణ దీక్షకు పెద్ద ఎత్తున మద్దతు పలికిన స్టీల్ ప్లాంట్ కార్మికులు ఆమెను స్వాగతించారు.

ALSO READ | ఏపీకి నాలుగు కుంకీ ఏనుగులు.. డిప్యూటీ సీఎం పవన్కళ్యాణ్ కు అప్పగించిన సీఎం సిద్దరామయ్య

కార్మికుల సమస్యలు పరిష్కరించకపోతే ... ఆమ‌ర‌ణ నిరాహార దీక్ష... ఈ నెల 21 నుంచి స్టీల్ ప్లాంట్ ఎదుటే చేస్తానని ఆమె ప్రక‌టించారు. అయితే.. ఈ ప్రక‌ట‌న‌పై ఎవ‌రూ స్పందించ‌క‌పోవ‌డంతో.. ఆమె అన్నట్టుగానే దీక్షకు కూర్చున్నారు...తాను ఎందుకు నిరాహార దీక్ష చేయాల్సి వ‌స్తోందో .. ఆమె ప్లకార్డుల రూపంలో ప్రద‌ర్శించారు.