ఆపిల్ కంపెనీ కొత్తగా వాచ్ ఒఎస్ 26 అప్డేట్ను పరిచయం చేసింది. హెల్త్కు సంబంధించిన అలెర్ట్ ఇచ్చే ఫీచర్ను మనదేశంతోపాటు మరికొన్ని దేశాల్లో అందుబాటులోకి తీసుకొచ్చింది. ఈ ఆపిల్ వాచ్ హార్ట్ డేటాను 30రోజుల పాటు అనాలసిస్ చేసి యూజర్ బ్లడ్ ప్రెజర్ గురించి సమాచారం ఇస్తుంది.
ఎప్పుడూ బీపీ హైలోనే ఉంటే దాన్ని సూచించేలా నోటిఫికేషన్ ద్వారా వార్నింగ్ ఇస్తూ ఉంటుంది. ఈ ఫీచర్ను వాడాలంటే ఆపిల్ వాచ్ సిరీస్ 9, అల్ట్రా 2, ఆ పై మోడల్స్, కొత్త వాచ్ ఒఎస్ 26, ఐఫోన్ 11, ఐఒఎస్ 26లలో మాత్రమే అందుబాటులో ఉంది. హైపర్ టెన్షన్ ఉందని డాక్టర్ చెకప్ ద్వారా తెలుసుకున్నవాళ్లు నిరంతరం తమ హెల్త్ కండిషన్ని ఫాలో అప్ చేసుకోవడానికి ఈ ఫీచర్ ఉపయోగపడుతుంది.
ఈ ఫీచర్ వాడాలంటే 22 ఏండ్లు దాటి ఉండాలి. ప్రెగ్నెంట్స్ వాడకూడదు. ఈ వాచ్ని చేతికి పెట్టుకున్న తర్వాత రిస్ట్ డిటెక్షన్ ఆన్ చేయాలి. అందుకోసం ఐఫోన్లో హెల్త్ యాప్ ఓపెన్ చేసి, ప్రొఫైల్ ఐకాన్ ద్వారా హెల్త్ చెక్ లిస్ట్లో హైపర్ టెన్షన్ నోటిఫికేషన్స్ను సెలక్ట్ చేసి, ఏజ్, హెల్త్ హిస్టరీ కన్ఫర్మ్ చేయాలి. ఆ తర్వాత 30 రోజుల డేటా ప్రకారం నోటిఫికేషన్స్ వస్తే.. వెంటనే డాక్టర్ని కన్సల్ట్ అవ్వాలి. ఈ ఫీచర్ను మరింత మెరుగుపరిచేందుకు ప్రయత్నిస్తోంది కంపెనీ.
