- స్టేట్ ఎలక్ట్రికల్ లైసెన్సింగ్ బోర్డు
హైదరాబాద్ , వెలుగు: ఎలక్ట్రికల్ సూపర్‌‌వైజర్, వైర్‌‌మెన్ పర్మిట్ కోసం అర్హులైన అభ్యర్థులు సీఈఐజీ వెబ్సైట్లో దరఖాస్తులు చేసుకోవాలని స్టేట్ఎలక్ట్రికల్ లైసెన్సింగ్ బోర్డు సెక్రటరీ కాంతారావు తెలిపారు.ఎలక్ట్రికల్ ఇంజనీరింగ్, డిగ్రీ/ డిప్లొమా, ఐటీఐ (ఎలక్ట్రీషియన్) చేసిన అభ్యర్థులు సూపర్ వైజర్, వైర్‌‌మెన్ పర్మిట్ కోసం http://tgceig.cgg.gov.in వెబ్సైట్లో లాగిన్ అయి దరఖాస్తు చేసుకోవాలని సూచించారు.
అభ్యర్థులు ముందుగా సుల్తాన్ బజార్ లోని సెయింట్ జాన్ అంబులెన్స్ అసోసియేషన్ జారీచేసిన పవర్ మెడిసిన్, ఫస్ట్ ఎయిడ్ సర్టిఫికెట్ తీసుకోవాలన్నారు. ఎలక్ట్రికల్ సూపర్ వైజర్ పర్మిట్ పొందేందుకు గుర్తింపు పొందిన వర్సిటీ నుంచి ఎలక్ట్రికల్ ఇంజినీరింగ్ లో డిగ్రీ లేదా ఎలక్ట్రికల్లో పాలిటెక్నిక్ డిప్లొమా ఉత్తీర్ణత సాధించాలన్నారు. సూపర్ వైజర్ పర్మిట్ కోసం కనీస ఎక్స్పీరియన్స్ ఉండాలనిపేర్కొన్నారు.
