షూటింగ్ వరల్డ్ కప్లో అర్జున్ బబూట అదరగొట్టాడు. 10 మీటర్ల రైఫిల్ ఈవెంట్లో స్వర్ణపతకాన్ని సాధించాడు. ఫైనల్లో టోక్యో ఒలింపిక్స్ సిల్వర్ మెడలిస్ట్ కొజెనెస్కీపై గెలుపొంది బంగారు పతకాన్ని ముద్దాడాడు.
ఉత్కంఠగ సాగిన ఫైనల్లో 17-9తో కొజెనెస్కీని అర్జున్ ఖంగుతినిపించాడు. ఈ టోర్నీలో భారత్కు ఇదే తొలి పతకం. అటు సీనియర్ లెవల్ టోర్నీల్లో అర్జున్ బబూటకు ఫస్ట్ గోల్డ్ మెడల్. 2016లో అజర్ బైజాన్ వేదికగా జరిగిన జూనియర్ షూటింగ్ వరల్డ్ కప్లో అర్జున్ స్వర్ణ పతకాన్ని సాధించాడు.
Many congratulations to @arjunbabuta on winning the Gold ?in 10m Air Rifle Men at @ISSF_Shooting 2022 World Cup, Changwon ?? https://t.co/W0EgX14Eiq pic.twitter.com/JnLvXgFJdV
— SAI Media (@Media_SAI) July 11, 2022
అంతకుముందు జరిగిన రౌండ్లో అర్జున్ 261.1 పాయింట్లు సాధించి ఫైనల్కు క్వాలిఫై అయ్యాడు. 260.4 పాయింట్లతో కొజెనెస్కీ సెకండ్ ప్లేస్లో నిలిచాడు. థార్డ్ ప్లేస్లో 259.9 పాయింట్లతో ఇజ్రాయిల్కు చెందిన సెర్గె రిచెర్ ఉన్నాడు. దీంతో టాప్ 2లో నిలిచిన అర్జున్, కొజెనెస్కీ గోల్డ్ మెడల్ కోసం పోటీ పడ్డారు. ఫైనల్లో 17-9 స్కోరుతో అర్జున్ విజయం సాధించాడు.
