కొన్ని పెయింటింగ్స్ ను చూస్తే అలానే చూస్తూనే ఉండాలనిపిస్తుంది. అలాంటి పెయింటింగ్స్ లో ఒకటి చికాగోకు చెందిన ఆర్టిస్ట్ సీమస్ వ్రే వేసిన చిత్రాలు. చిత్రాల వరుసలను ఒకే పెయింటింగ్ లో చూపిస్తోన్న ఈ కళాకారుడు వేసిన ఓ స్వీయ చిత్రం ప్రస్తుతం సోషల్ మీడియాలో ట్రెండింగ్ గా మారింది. నిజానికి ఈ సిరీస్ ఆయిల్ పెయింటింగ్ ను వ్రే 2020లోనే పోస్ట్ చేశాడు. కానీ రీసెంట్ గా వైరల్ అయింది.
రెడ్జిట్ లో పోస్ట్ అయిన ఈ ఫొటోలో మిస్టర్ సీమస్ వ్రే తాను పెయింటింగ్ వేస్తున్నట్టు, దాంట్లో మళ్లీ తాను పెయింటింగ్ వేస్తున్నట్టు అత్యద్భుతంగా చిత్రీకరించాడు. ఇలా ఐదు పెయింటింగ్ ల శ్రేణిని ఒకే పెయింటింగ్ లో చూపిస్తూ తనలో ఇమిడి ఉన్న సృజనాత్మకతను కళ్లకు కట్టినట్టు చూపించాడు. అప్పట్లో వ్రే పోస్ట్ చేసిన ఈ ఫొటోకు మీరు కళాకారుడిగా ఉన్నప్పుడు, మీరు బోర్ గా ఫీలైనపుడు అనే క్యాప్షన్ ను జత చేశాడు. ఈ అరుదైన పిక్ పై నెటిజన్లు ఆశ్చర్యం వ్యక్తం చేయడంతో పాటు, అద్భుతంగా ఉందంటూ సీమస్ వ్రేను ప్రశంసిస్తున్నారు.
