లండన్: వింబుల్డన్లో ఈసారి కొత్త చరిత్ర నమోదైంది. ఇద్దరు చెక్ ప్లేయర్ల మధ్య జరిగిన విమెన్స్ సింగిల్స్ ఫైనల్లో లిండా నోస్కోవా టైటిల్ను సాధించింది. శనివారం జరిగిన ఫైనల్లో 9వ సీడ్ నోస్కోవా 6–2, 5–7, 6–3తో కరోలినా ముచోవా (చెక్)పై విజయం సాధించింది. దాంతో క్విటోవా (2011) తర్వాత అత్యంత పిన్న వయస్కురాలైన చాంపియన్గా నోస్కోవా రికార్డులకెక్కింది. 2 గంటలా 28 నిమిషాల పాటు సాగిన ఈ మ్యాచ్.. వింబుల్డన్ విమెన్స్ సింగిల్స్ చరిత్రలోనే మూడో అత్యంత సుదీర్ఘమైన ఫైనల్ మ్యాచ్గా నిలిచింది.
అలాగే వింబుల్డన్ వేదికపై సరికొత్త విమెన్స్ చాంపియన్లు ఆవిర్భవించడం ఇది వరుసగా తొమ్మిదో ఏడాది కావడం విశేషం. దాంతో ప్రతి ఏటా సరికొత్త విజేతను పరి చయం చేసే సాంప్రదాయాన్ని వింబుల్డన్ ఈసారి కూడా కొనసాగించింది. ఇక హోరాహోరీగా సాగిన మ్యాచ్లో నోస్కోవా అటాకింగ్ గేమ్తో ఆకట్టుకుంది.
10 ఏస్లు, 4 డబుల్ ఫాల్ట్స్ చేసింది. తన సర్వీస్లో 74 పాయింట్లు రాబట్టింది. 13 బ్రేక్ పాయింట్లలో నాలుగింటిని కాచుకుంది. 44 విన్నర్లు, 36 అన్ఫోర్స్డ్ ఎర్రర్స్ చేసింది. 27 అన్ఫోర్స్డ్ ఎర్రర్స్, 35 విన్నర్లు కొట్టిన ముచోవా రెండు బ్రేక్ పాయింట్లను మాత్రమే కాపాడుకుంది. తన సర్వీస్లో 53 పాయింట్లు మాత్రమే రాబట్టింది. 6 ఏస్లతో సరిపెట్టుకుంది.
