బషీర్బాగ్, వెలుగు: ఏపీ తరహాలో తెలంగాణలో ఆటో డ్రైవర్లకు ఏడాదికి రూ.12 వేలు ఆర్థిక సాయం అందించాలని ఆటో డ్రైవర్స్ జేఏసీ తెలంగాణ కన్వీనర్ మొహమ్మద్ అమనుల్లా ఖాన్ డిమాండ్ చేశారు. హైదర్ గూడలో ఏర్పాటు చేసిన సమావేశంలో ఆయన మాట్లాడారు. ఉచిత బస్సు పథకం వల్ల ఆటో డ్రైవర్లు ఉపాధి కోల్పోయారన్నారు. ఆత్మహత్య చేసుకున్న డ్రైవర్ల కుటుంబాలను ఆదుకోవాలని కోరారు.ఆటో మీటర్ల చార్జీలు పెంచి, సంక్షేమ బోర్డును ఏర్పాటు చేయాలన్నారు. ఈ కార్యక్రమంలో జేఏసీ నేతలు లతీఫ్, యహియా, అక్తర్, సలీం తదితరులు పాల్గొన్నారు.
