అయోధ్య ఆహ్వానాన్ని తిరస్కరించిన నేతలు

జనవరి 22న అయోధ్యలో భవ్య రామమందిర ప్రారంభోత్సవం జరగనుంది.అయోధ్య రామాలయ ప్రాణప్రతిష్ట కార్యక్రమానికి తమ పార్టీ నేతలు హాజరుకావడం లేదని కాంగ్రెస్‌ పార్టీ ప్రకటించింది. ఇండియా కూటమిలోని చాలా ప్రతిపక్ష పార్టీలు మాత్రం ఈ అయోధ్య వేడుకలకు హాజరుకావడం లేదు. ఇప్పటికే కాంగ్రెస్ నేతలు మల్లికార్జున ఖర్గే, సోనియాగాంధీ, అధిర్ రంజన్ చౌదరిలు వేడుకలకు హాజరు కాబోవడం లేదని, అది బీజేపీ/ఆర్ఎస్ఎస్ కార్యక్రమంలా ఉందని ఆరోపించింది.

ప్రధాని మంత్రి నరేంద్రమోదీ ముఖ్య అతిథిగా హాజరవుతున్న ఈ వేడుకలో రామ్ లల్లా(బాల రాముడి) ప్రాణప్రతిష్ట కార్యక్రమం జరగనుంది. ప్రధానితో పాటు దేశ వ్యాప్తంగా ప్రముఖ పారిశ్రామికవేత్తలు, సినీ, క్రీడా ప్రముఖులు, సాధువులతో సహా 7000 మందికి పైగా అతిథులు ఈ కార్యక్రమానికి వస్తున్నారు.