న్యూఢిల్లీ: హత్రాస్ కేసులో కేరళ జర్నలిస్టు సిద్ధిఖ్ కప్పన్కు సుప్రీంకోర్టు బెయిల్ మంజూరు చేసింది. అయితే కొన్ని షరతులు విధించింది. విడుదలైన తర్వాత 6 వారాల పాటు ఢిల్లీలోనే ఉండాలని, ప్రతి సోమవారం పోలీస్ స్టేషన్లో రిపోర్టు చేయాలని తెలిపింది. నిందితుణ్ని మూడ్రోజుల్లోగా ట్రయల్ కోర్టులో హాజరుపరిచి, బెయిల్పై విడుద ల చేయాలని ఆదేశించింది.
సీజేఐ జస్టిస్ యూయూ లలిత్ ఆధ్వర్యంలోని సుప్రీం బెంచ్ శుక్రవారం ఈ ఉత్తర్వులు జారీచేసింది. 2020 సెప్టెంబర్ 14న హత్రాస్లో దళిత మహిళపై నలుగురు గ్యాంగ్ రేప్కు పాల్పడ్డారు. బాధితురా లు ఆస్పత్రిలో చికిత్స పొందుతూ చనిపోయింది. దీనిపై రిపోర్టు చేసేందు కు వెళ్తుండగా సిద్దిఖ్ను పోలీసులు అరెస్టు చేశారు. అల్లర్లు సృష్టించేందుకు కుట్ర పన్నారని కేసు పెట్టడంతో దాదాపు రెండేండ్లుగా సిద్దిఖ్ జైల్లో ఉన్నారు.
