బ్యాలెన్స్డ్ డైట్ ఫాలో కావాలంటే ఈ సూపర్ ఫుడ్స్ని తినాలి. అవేంటో చెప్తున్నారు రోజ్వాక్ హెల్త్ కేర్, న్యూట్రిషనిస్ట్ రాశి చాహల్.
- కర్బూజ(మస్క్ మెలన్) గింజల్ని ఎవరూ పెద్దగా పట్టించుకోరు. నిజానికి అవి కూడా ఆరోగ్యానికి మేలు చేసేవే. వాటిల్లో విటమిన్–ఎ, సి, ఇ, కె పుష్కలంగా ఉంటాయి. నియాసిన్, జింక్, మెగ్నీషియం కూడా ఎక్కువే. ఈ గింజలు రోజూ తింటే లో బ్లడ్ ప్రెజర్ సమస్య నుంచి బయటపడొచ్చు. వీటిలో ఉండే క్యాల్షియం, ప్రొటీన్...ఎముకలు, గోళ్లని బలంగా చేస్తాయి. జీర్ణ వ్యవస్థ పనితీరుని మెరుగుపరుస్తాయి. ఈ గింజల పొడిని నీళ్లలో కలుపుకుని తాగితే యాంగ్జైటీ, ఒత్తిడి నుంచి బయటపడొచ్చు.
- వాటర్ చెస్ట్నట్స్.. వీటినే సింఘోడా అని కూడా అంటారు. ఈ ఫ్రూట్లో డైటరీ ఫైబర్ ఎక్కువ. పొటాషియం, మాంగనీస్, విటమిన్– బి6, రిబోఫ్లేవిన్, కాపర్, విటమిన్– బి6 కూడా పుష్కలం. ఇమ్యూనిటీ బూస్టర్స్లా పనిచేసి రకరకాల ఇన్ఫెక్షన్స్తో పోరాడతాయి. ఒక టీ స్పూన్ సింఘోడా పొడిని, నిమ్మరసంలో కలుపుకుని తాగితే తామర లాంటి అలర్జీలు తగ్గుతాయి.
- వేగించిన శనగపిండి ఇన్స్టంట్ ఎనర్జీని ఇస్తుంది. మెటబాలిక్ రేటుని పెంచి, శరీరంలోని అదనంగా ఉన్న కేలరీలని కరిగిస్తుంది. ఈ పిండిలో ఉండే ఇన్సాల్యుబుల్ ఫైబర్ పేగుల్ని శుభ్రపరుస్తుంది. కడుపులో మంట, ఇరిటేషన్ని తగ్గిస్తుంది.ఉసిరిలో ఉండే క్రోమియం అనే మైక్రోన్యూట్రియెంట్ రక్తంలోని షుగర్ లెవల్స్ని కంట్రోల్ చేస్తుంది.
- సాధారణ ఉప్పుకి బదులు ఫోర్టిఫైడ్ ఉప్పు తింటే శరీరానికి సరిపడా జింక్ అందుతుంది. ఇది శ్వాసకోశ ఇన్ఫెక్షన్ల నుంచి రిలీఫ్ ఇస్తుంది. ఇమ్యూనిటీ పెంచి శరీరానికి ఇన్ఫెక్షన్లతో పోరాడే శక్తినిస్తుంది.
- కేలరీలు తక్కువ, ఫైబర్ ఎక్కువగా ఉండే స్టార్ ఫ్రూట్ని డైట్లో చేర్చాల్సిందే. ఇది ఇన్సులిన్, గ్లూకగోన్ని బ్యాలెన్స్ చేసి బ్లడ్లోని గ్లూకోజ్ లెవల్స్లో హెచ్చు, తగ్గులు లేకుండా చూస్తుంది. ఈ ఫ్రూట్లోని సాల్యుబుల్ ఫైబర్ శరీరంలోని కొలెస్ట్రాల్ లెవల్స్ని అదుపులో ఉంచుతుంది. చెడు కొలెస్ట్రాల్ని, బ్లడ్లోని ఫ్యాట్ని తీసేస్తుంది. గుండె జబ్బుల్ని దరిచేరనివ్వదు. ఇందులో విటమిన్– సి, బి– కెరటిన్ లాంటి నేచురల్ యాంటీ ఆక్సిడెంట్స్ ఉంటాయి. ఇవి శరీరంలోని కణాల్ని ఆరోగ్యంగా ఉంచడానికి సాయపడతాయి.
