బాలకృష్ణ, సంయుక్త మీనన్ జోడీగా నటిస్తున్న ‘అఖండ 2 : తాండవం’ చిత్రం నుంచి సెకండ్ సాంగ్ అప్డేట్ ఇచ్చారు మేకర్స్. ‘జాజికాయ’ అంటూ సాగే పాటను మంగళవారం (నవంబర్ 18) విడుదల చేయనున్నట్టు ప్రకటించారు.
వైజాగ్ జగదాంబ థియేటర్‌‌‌‌లో ఈ సాంగ్ లాంచ్ ఈవెంట్‌‌ను నిర్వహించనున్నారు. ఈ కార్యక్రమానికి బాలకృష్ణతో పాటు మూవీ టీమ్ అంతా పాల్గొంటారని, తమన్ కంపోజ్ చేసిన ఈ మాస్ సాంగ్ అదిరిపోయే డ్యాన్స్ నెంబర్‌‌‌‌గా ఉండబోతోందని మేకర్స్ చెప్పారు. గ్రాండ్ సెట్‌‌లో షూట్ చేసిన ఈ సాంగ్‌‌లో బాలయ్య మాసివ్ డ్యాన్స్ మూమెంట్స్ ఫ్యాన్స్‌‌ని అలరించనున్నాయని అన్నారు.
ఈ సందర్భంగా రిలీజ్ చేసిన పోస్టర్‌‌‌‌లో బాలయ్య, సంయుక్త జంట ఆకట్టుకుంది. ఇప్పటికే విడుదల చేసిన ‘హరహర మహాదేవ’ పాటకు మంచి రెస్పాన్స్ రాగా, ఈ పాటపై క్యూరియాసిటీ పెరిగింది. బోయపాటి శ్రీను దర్శకత్వంలో రూపొందుతోన్న ఈ చిత్రాన్ని ఎం తేజస్విని నందమూరి సమర్పణలో 14 రీల్స్ ప్లస్ బ్యానర్‌‌‌‌పై రామ్ ఆచంట, గోపీ ఆచంట నిర్మిస్తున్నారు. ఆది పినిశెట్టి, హర్షాలి మల్హోత్రా కీలక పాత్రల్లో కనిపించనున్నారు. డిసెంబర్ 5న టూడీ, త్రీడీ ఫార్మాట్‌‌లలో వరల్డ్‌‌వైడ్‌‌గా సినిమా విడుదల కానుంది.
