న్యూఢిల్లీ : అగ్నిపథ్ పై తప్పుడు వార్తలను ప్రచారం చేస్తున్నాయనే ఆరోపణలతో కేంద్ర ప్రభుత్వం 35 వాట్సాప్ గ్రూప్ లను ఆదివారం బ్యాన్ చేసింది. పథకానికి వ్యతిరేకంగా జరుగుతున్న హింసాత్మక నిరసనలను తగ్గించే ప్రయత్నంలో భాగంగా ప్రభుత్వం ఈ నిర్ణయం తీసుకుందని అధికారులు తెలిపారు. నిషేధానికి గురైన వాట్సాప్ గ్రూప్ల పేర్లు, వాటి నిర్వాహకులపై తీసుకున్న చర్యల గురించి అధికారులు వెల్లడించలేదు. దేశవ్యాప్తంగా 'అగ్నిపథ్' రిక్రూట్‌మెంట్ స్కీమ్పై నిరసనలు వెల్లువెత్తుతున్నా.. దాన్ని వెనక్కి తీసుకునేది లేదని త్రివిధ దళాలు ఆదివారం స్పష్టం చేశాయి. పైగా నియామక షెడ్యూలును కూడా విడుదల చేశాయి.
