మలయాళ హీరోయిన్ భావన లీడ్ రోల్లో నటించిన మలయాళ చిత్రం ‘హంట్’ను తెలుగులో ‘డాక్టర్ కీర్తి : ఎంబీబీఎస్ ఎంఎస్’ అనే పేరుతో డబ్బింగ్ చేస్తున్నారు. షాజీ కైలాస్ దర్శకత్వంలో రూపొందిన ఈ మూవీ కలకత్తాలో జరిగిన డాక్టర్ రేప్ మర్డర్
నేపథ్యంగా తెరకెక్కించారు. మలయాళంలో ఈ చిత్రం మంచి విజయాన్ని అందుకోగా, స్వర్ణ క్రియేషన్స్, పీవీఆర్ సినిమాతో కలిసి
మే 8న తెలుగు రాష్ట్రాల్లో విడుదల చేస్తున్నారు.
ఈ సందర్భంగా నిర్మాతలు స్వర్ణకుమారి దొండపాటి, ఎం విశ్వనాథ్ రెడ్డి తెలుగు టీజర్ను రిలీజ్ చేశారు. ఈ కార్యక్రమానికి హాజరైన నటి కవిత మాట్లాడుతూ ‘మహిళలకు రక్షణ లేని ఈ సమాజంలో వెస్ట్ బెంగాల్లో ఒక డ్యూటీ డాక్టర్ ఎదుర్కొన్న విషాదకర ఘటన మనందరినీ కలిచివేసింది. ఆ వైద్యురాలి ఆత్మ తన బాధను చెబితే ఎలా ఉంటుంది అనేది ఈ మూవీలో దర్శకుడు తెరకెక్కించారు. తెలుగులోనూ ఈ సినిమాకు మంచి విజయం అందించాలని కోరుకుంటున్నా’ అని అన్నారు. ఈ చిత్రంలోని ఎమోషన్ అందర్నీ కట్టిపడేస్తుందని నిర్మాతలు అన్నారు.
