- బీసీ సంక్షేమ సంఘం జాతీయ అధ్యక్షులు జాజుల శ్రీనివాస్ గౌడ్
సోమాజిగూడ, వెలుగు: నెలరోజుల పాటు కొనసాగిన పార్లమెంట్ సమావేశాల్లో బీసీ రిజర్వేషన్ల అంశంపై కనీసం చర్చ జరగకపోవడం బాధాకరమని బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్ గౌడ్ అన్నారు. శుక్రవారం సోమాజీగూడ ప్రెస్ క్లబ్లో తెలంగాణ దళిత సంఘాల జేఏసీ రాష్ట్ర కమిటీ అధ్యక్షుడు బత్తుల చంద్రం అధ్యక్షతన జరిగిన సమావేశంలో మాట్లాడారు. తెలంగాణ అసెంబ్లీలో బీసీలకు 42 శాతం రిజర్వరేషన్లపై తీర్మానం చేసి కేంద్రానికి పంపినా పార్లమెంట్లో చర్చించకపోవడం బీజేపీ నిర్లక్ష్యానికి నిదర్శనమన్నారు.
తెలంగాణ ఎంపీలు కూడా నోరెత్తకపోవడం విచారకరమన్నారు. అంతకుముందు దళిత సంఘాల జేఏసీ రూపొందించిన రిజర్వేషన్ల సాధన పోస్టర్ను ఆవిష్కరించారు. కార్యక్రమంలో సిద్దిపేట జిల్లా అధ్యక్షులు నవీన్ గౌడ్, భాస్కర్ చారి, వనం రమేష్, సునీల్, తుమ్మ శ్రీనివాస్, యాదగిరి, మేడిపల్లి జనార్ధన్, జైపాల్, భీమ్ రావు, నర్సింగరావు తదితరులు పాల్గొన్నారు.
