టెస్టులు, టీ20 లకు గుడ్ బై చెప్పిన రోహిత్ శర్మ ఫ్యూచర్ పై క్రికెట్ ఫ్యాన్స్ లో చాలా రోజులుగా గందరగోళం నెలకొంది. 2027 వరల్డ్ కప్ లో హిట్ మ్యాన్ ఉంటారా..? ఉండరా..? అనే ప్రశ్నలు సోషల్ మీడియాలో సర్క్యులేట్ అవుతూనే ఉన్నాయి. ఈ విషయంలో బీసీసీఐ రోహిత్ శర్మకు క్లారిటీ ఇచ్చింది. అందుకు సంబంధించి డైరెక్ట్ మెసేజ్ పంపడం చర్చనీయాంశంగా మారింది.
రోహిత్ శర్మ 2024 జూన్ 29న టీ20 లకు, 2025 మే 7న టెస్టులకు రిటైర్మెంట్ ప్రకటించాడు. దీని తర్వాత ఇంటర్నేషన్ క్రికెట్ లో రోహిత్ ఫ్యూచర్ ఎలా ఉండబోతుందనే చర్చలు కొనసాగుతున్న వేళ.. బీసీసీఐ రోహిత్ తో మాట్లాడటం ప్రాధాన్యత సంతరించుకుంది.
ఫామ్, ఫిట్నెస్ కారణంగా రోహిత్ పై వేటు పడుతుందనే చర్చలు నడుస్తున్న వేళ.. ఆస్ట్రేలియాతో జరిగిన మూడు వన్డేల సిరీస్ లో.. ఒక సెంచరీ, ఒక హాఫ్ సెంచరీ చేయటమే కాకుండా టోర్నెమెంట్ లో టాప్ స్కోరర్ గా నిలిచి ఆశ్చర్యపరిచాడు హిట్ మ్యాన్. సౌతాఫ్రికాతో వన్డే సిరీస్ కు మళ్లీ జాయిన్ అవుతున్నాడు. రాంచీ, రాయిపూర్, వైజాగ్ లో నవంబర్ 30, డిసెంబర్ 3, డిసెంబర్ 6 తేదీలలో సౌతాఫ్రికాతో వన్డేలు ఉన్నాయి. వన్డేల ముందు బీసీసీఐ రోహిత్ మాట్లాడటం ఆసక్తిగా మారింది.
బీసీసీఐ ఏం చెప్పింది..?
సౌతాఫ్రికాతో తొలి వన్డేకు ముందు నవంబర్ 29న రోహిత్ కు మెసేజ్ పంపింది బీసీసీఐ. ఈ సందర్భంగా ఫిట్ నెస్, పర్ఫార్మెన్స్ పైనే ఫోకస్ చేయమని.. ఫ్యూచర్ గురించిన ఊహాగానాలను పట్టించుకోవద్దని సూచించింది. ఆస్ట్రేలియా సిరీస్ లో చూపిన అగ్రెసివ్ బ్రాండ్ క్రికెట్ ను కంటిన్యూ చేయాలని రోహిత్ కు చెప్పింది.
రోహిత్ ఫియర్లెస్ బ్యాటర్. ఆస్ట్రేలియాలో కండిషన్స్ దారుణంగా ఉంటాయి. అయినప్పటికీ సిరీస్ లో హైయెస్ట్ రన్ స్కోరర్ గా నిలిచాడు. అదే విధంగా ప్రస్తుత సిరీస్ లో కోహ్లీతో కలిసి టీమిండియాను లీడ్ చేయాలని సూచించింది. యంగ్ బ్యాటర్స్ లో కాన్ఫిడెన్స్ నింపాల్సిందిగా సూచించింది.
సౌతాఫ్రికా సిరీస్ తర్వాత రోకో ఫూచర్ పై నిర్ణయం:
2027 వరల్డ్ కప్ ను దృష్టిలో ఉంచుకుని రోహిత్, కోహ్లీ ఫ్యూచర్ పై దృష్టి సారించిన బీసీసీఐ.. సౌతాఫ్రికాతో సిరీస్ తర్వాత ఈ అంశంపై మీటింగ్ ఏర్పాటు చేయనున్నట్లు తెలుస్తోంది. వాళ్ల ఫ్యూచర్ గురించి క్లారిటీ ఇవ్వాల్సిన బాధ్యత ఉందని.. బీసీసీఐ కి చెందిన వర్గాలు తెలిపాయి.
