హైదరాబాద్, వెలుగు: మేనేజ్‌‌‌‌మెంట్ కన్సల్టింగ్ కంపెనీ బోస్టన్ కన్సల్టింగ్ గ్రూప్ (బీసీజీ), హైదరాబాద్‌‌‌‌లో కొత్త ఆఫీసు ప్రారంభించింది. ఇదివరకే దీనికి ముంబై, ఢిల్లీ, బెంగళూరు, చెన్నైలో ఆఫీసులు ఉన్నాయి. ఈ వ్యూహాత్మక విస్తరణ ఈ ప్రాంతంలో పెరుగుతున్న వినియోగదారులకు మరింత మెరుగ్గా సేవ చేయడానికి సంస్థకు వీలు కల్పిస్తుందని బీసీజీ తెలిపింది. గత దశాబ్దంలో 20 శాతం సీఏజీఆర్తో తాము భారతదేశంలో బలమైన వృద్ధిని సాధించామని బీసీజీ తెలిపింది.
ఒక సంస్థ తమ వ్యాపారాన్ని ఎలా పెంచాలి, కొత్త మార్కెట్లలోకి ఎలా ప్రవేశించాలి లేదా పోటీని ఎలా ఎదుర్కోవాలి వంటి దీర్ఘకాలిక ప్రణాళికలను రూపొందించడానికి ఇది సహాయపడుతుంది. ఏ ఉత్పత్తులను నిలిపివేయాలి లేదా ఏ విభాగాలలో పెట్టుబడి పెట్టాలి అనే దానిపై సలహా (స్ట్రాటజిక్ కన్సల్టింగ్) ఇస్తుంది.
