ఎండలో బయటికి వెళ్లేముందు సన్స్క్రీన్ రాసుకుంటే అల్ట్రా వయొలెట్ రేస్ నుంచి చర్మాన్ని కాపాడుకోవచ్చు. అంతేకాదు చర్మం ఫ్రెష్గా ఉంటుంది. అయితే, అన్ని రకాల చర్మాలకి ఒకేరకం సన్స్క్రీన్ సరిపోదు. వాడేముందు, కొనేముందు కొన్ని విషయాలు గుర్తుంచుకోవాలి అంటోంది డెర్మటాలజిస్ట్ గీతికా మిట్టల్ గుప్తా.
ఎండలో వెళ్లేటప్పుడు కనురెప్పలు, చెవులు, మెడ వెనుక, చేతుల వెనుక, పాదాల మీద సన్స్క్రీన్ రాసుకోవాలి. జిడ్డు, సున్నితమైన చర్మం ఉన్నవాళ్లు కెమికల్ లేదా జెల్ బేస్డ్ సన్స్క్రీన్ రాసుకుంటే మంచిది.
వాటర్ రెసిస్టెంట్ సన్స్క్రీన్ కొనాలి. ఇవి వాడితే చెమట ఎక్కువ పట్టినా లేదా నీళ్లు మీద పడినా కూడా ఈ సన్స్క్రీన్ పోదు. అయితే, ఇంటికి వచ్చిన తర్వాత జెల్ బేస్డ్ లేదా ఆయిల్ బేస్డ్ క్లెన్సర్తో క్లీన్ చేసుకోవాలి.
సన్ప్రొటెక్షన్ ఫ్యాక్టర్ (ఎస్పిఎఫ్) 100 ఉన్న సన్స్క్రీన్స్, ఎస్పిఎఫ్ 50 వాటికంటే ఎక్కువ ప్రొటెక్షన్ ఇస్తాయి. ఎస్పిఎఫ్ 30 ఉన్న సన్స్క్రీన్స్ రెండు మూడు సార్లు రాసుకుంటే చర్మం దెబ్బతినదు.