ఉక్రెయిన్ లోని కీవ్ నగరాన్ని స్వాధీనం చేసుకునేందుకు ప్రయత్నిస్తున్న రష్యా దళాలకు రెండు రోజులుగా ఉక్రెయిన్ ప్రజలు ఊహించని విధంగా చుక్కలు చూపిస్తున్నారు. రష్యా సైన్యం పైకి తుటాలు, బాంబులతో పాటు గాల్లోంచి పడుతున్న బీర్ సీసాలు.. భారీ శబ్ధాలతో పేలిపోతున్నాయి. దీంతో రష్యా బలగాలు ఎక్కడి కక్కడ ఆగిపోతున్నాయి. రష్యా దళాలను అడ్డుకునేందుకు పోరాడుతున్న ఉక్రెయిన్ దళాలకు మద్దతుగా 'మొలటోవ్ కాక్ టెయిల్' బాంబులను తయారు చేసి సరఫరా చేస్తోంది ప్రావ్డా బ్రూవరీ కంపెనీ.
ఉక్రెయిన్ లోని లివ్ పట్టణానికి చెందిన ప్రావ్డా బ్రూవరీ బీర్ల తయారీకి ప్రసిద్ధి. యుద్ధం కారణంగా బీర్ల తయారీని ఆపేసింది ఈ కంపెనీ. అందుకు బదులుగా రష్యా సైన్యాన్ని ఎదుర్కొనేందుకు ప్రత్యేకంగా 'మొలటోవ్ కాక్ టెయిల్' తయారు చేస్తోంది. తాగడానికి కాదు..రష్యాబలగాలను అంతం చేసేందుకు. ప్రస్తుతం ఈ కంపెనీలో ఉద్యోగులు హుషారుగా ఈ బీర్ బాంబులను తయారు చేస్తున్నారు.
ఈ బీర్ బాటిళ్లలో ఆయిల్, పెట్రోల్ మిక్స్ చేసి వాడుతున్నారు. అందులో క్లాత్ ను ముంచి దానికి నిప్పు అంటించి రష్యా బలగాల వైపునకు విసిరేస్తున్నారు. లోపల ఉండే కాక్ టెయిల్ పెట్రోల్, ఆల్కహాల్ మాదిరే మండే స్వభావంతో ఉంటుంది. సీసా మూతభాగంలో ఉన్న క్లాత్ కు నిప్పు అంటించి శుత్రు సేనలపై విసిరి కొడితే అవతలి వాళ్లు ఆ పెట్రోల్ బాంబు దాడిలో చనిపోవటం ఖాయం. ఉక్రెనియన్ టెర్రిటోరియల్ డిఫెన్స్ ఫోర్స్ల కోసం శనివారం నుంచి వీటిని తయారు చేస్తున్నట్లు బ్రూవరీ యజమాని వివరించారు.
మరిన్ని వార్తల కోసం..