సెలవులు దొరికితే టూర్ ప్లాన్ చేస్తుంటారు చాలామంది. కొందరైతే ఏడాదికొకసారైనా ఫారిన్ ట్రిప్ వేస్తారు. కానీ, మన దేశంలో లేదా విదేశాల్లో ఎక్కడకు వెళ్లినా... వెళ్లే ప్లేస్, ఆ చుట్టుపక్కల పరిసరాలు, అక్కడి ఆచారవ్యవహారాలు, రూల్స్ ముందే తెలుసుకోవాలి. అప్పుడే ఎంత తెలియని ప్లేస్కి వెళ్లినా ఏ ఇబ్బంది లేకుండా ఎంజాయ్ చేయొచ్చు. ఎక్కువగా టూరిస్టులు వెళ్లే బాలి, కర్నాటకలకు వెళ్లే ముందు తెలుసుకోవాల్సినవి ఏంటంటే...
బాలి వెళ్తుంటే...
ఇండియన్స్కి పాపులర్ హాలిడే డెస్టినేషన్ అంటే బాలి గుర్తొస్తుంది. అయితే టూరిస్ట్లకు కొత్త రూల్ తెచ్చింది అక్కడి గవర్నమెంట్. వాటిలో కొన్ని రూల్స్ తప్పకుండా పాటించాల్సిందేనట. అవేంటంటే...
- లోకల్ కరెన్సీ అంటే ఇండోనేసియన్ రుపియానే వాడాలి. పేమెంట్స్ ఏవైనా ఇండోనేసియన్ రుపియాలోనే చేయాలి.
- ఫారిన్ ఎక్స్ఛేంజ్ చేయాలంటే ఇండోనేసియన్ స్టాండర్డ్ క్యూఆర్ కోడ్ వాడాలి. ఆథరైజ్డ్ బ్యాంక్ల్లో ఫారిన్ కరెన్సీని ఎక్స్ఛేంజ్ చేయాలి.
- బాలిలో సెల్ఫ్ డ్రైవ్ ట్రిప్ చేయాలంటే ఇంటర్నేషనల్ డ్రైవింగ్ లైసెన్స్ తప్పనిసరి.
- రెంట్కి వెహికల్స్ కావాలనుకుంటే సర్టిఫైడ్ సర్వీస్ ప్రొవైడర్స్ నుంచే హైర్ చేసుకోవాలి.
- టూరిస్ట్లు అకామిడేషన్ బుక్ చేసుకోవాలంటే, హోటల్ లేదా విల్లా ఓనర్స్కి పర్మిషన్స్ ఉన్నాయా? లేవా? అనేది డబుల్ చెక్ చేసుకుని మరీ బుక్ చేసుకోవాలి.
- రిజిస్టర్డ్ హాటల్స్, విల్లాల్లో మాత్రమే బస చేయాలి.
- టూరిస్ట్లు ఎవరైనా సరే చివరి నిమిషంలో హడావిడి పడకుండా అరేంజ్మెంట్స్ అన్నీ ముందుగానే పూర్తి చేసుకోవాలి.
- బాలిలో మౌంటైన్స్, ఓల్కనోల దగ్గర టూరిస్ట్ యాక్టివిటీలను బ్యాన్ చేశారట!
కర్నాటక ఎకో టూరిజం
టూరిస్ట్ ప్లేస్లకు వెళ్లినప్పుడు అక్కడ ట్రెక్కింగ్, కయకింగ్, రాఫ్టింగ్, బోటింగ్, వాటర్ ఫాల్స్ దగ్గరకి వెళ్లడం, సఫారీ చేయడం వంటి అడ్వెంచర్ యాక్టివిటీస్ కూడా ఉంటాయి. అయితే ఇవి చేస్తున్నప్పుడు పొరపాటున ఏదైనా ప్రమాదం జరిగితే పరిస్థితేంటి? వాళ్లకు ఎలాంటి సాయం అందించాలనే దానిపై ఈ మధ్య కర్నాటకలో కొత్త రూల్ ఒకటి వచ్చింది. దాంతో అడ్వెంచర్స్ చేసే టూరిస్ట్లకు మేలు జరుగుతుందట. ఆ రూల్ ఏంటంటే...
టూరిస్ట్ ప్లేస్కి వెళ్లినప్పుడు టికెట్ కొంటాం కదా... ఆ టికెట్ కొన్న వాళ్లందరికీ బీమా కవరేజీ ఇవ్వాలని . కర్నాటకలోని ఎకో – టూరిజం టూరిస్ట్లను దృష్టిలో ఉంచుకుని ఈ నిర్ణయం తీసుకున్నారట. టైగర్ రిజర్వ్‌‌‌‌‌‌‌‌లు, వైల్డ్ లైఫ్ శాంక్చురీలు, నేషనల్ పార్క్లు, కర్నాటక ఫారెస్ట్లు వంటి ఎకో టూరిజం డెస్టినేషన్స్కి ఎక్కువగా వెళ్తుంటారు. అలాగే వాటర్ యాక్టివిటీస్లో పార్టిసిపేట్ చేస్తుంటారు. కాబట్టి, అలాంటప్పుడు ఏవైనా ప్రమాదాలు జరిగే అవకాశం ఉంది. ఇలాంటి యాక్టివిటీలు చేసేవాళ్లకు ఏదో ఒక ఇన్సూరెన్స్ ప్రొవైడ్ చేస్తారు. అయితే కొన్ని కేసులకు మాత్రం ఫారెస్ట్ డిపార్ట్మెంట్ నుంచి స్టేట్ రిలీఫ్ ఫండ్ అందుతుంది.
ఎక్కువ ఫొటోలు ఇక్కడే!
అందమైన ప్రదేశాలు, కట్టడాల దగ్గర ఫొటోలు తీసుకోవడం టూరిస్ట్లకు సరదా. ఎక్కువగా ఫొటోలు తీసుకునే టూరిస్ట్ అట్రాక్షన్స్ కొన్ని ఉన్నాయి. అవి...
- న్యూయార్క్లోని సెంట్రల్ పార్క్.. కొన్ని టెక్నిక్స్ వాడి లాండ్స్కేప్ ఆర్కిటెక్చర్తో డిజైన్ చేసిన మొదటి పబ్లిక్ పార్క్ ఇది.
- రియో డి జెనిరోలో సుగర్ లోఫ్ మౌంటెన్ ఉంది. ఇది ఫొటోగ్రాఫర్లకు నేచర్ ఇచ్చిన గిఫ్ట్గా చెప్తుంటారు. అంత అందంగా ఉంటుంది ఈ ప్లేస్.
- లండన్లోని బకింగ్హామ్ ప్యాలెస్. దానికున్న చరిత్ర, ఆర్కిటెక్చర్ ప్రపంచవ్యాప్తంగా ట్రావెలర్స్, ఫొటోగ్రాఫర్స్ని అట్రాక్ట్ చేస్తుంటుంది.
- ఈజిప్ట్లోని గిజా పిరమిడ్స్ ప్రపంచంలోని ఏడు వింతల్లో ఒకటి. కాబట్టి అక్కడికి వెళ్లిన ప్రతి ఒక్కరూ ఫొటో తీసుకోవడం చాలా మామూలు విషయం.
- న్యూయార్క్లో మరో అట్రాక్షన్ ఎంపైర్ స్టేట్ బిల్డింగ్. దీని ఆర్కిటెక్చర్కి చాలా గుర్తింపు ఉంది. ఇది కూడా వరల్డ్ మోస్ట్ ఫొటోగ్రాఫ్డ్ బిల్డింగ్స్లో ఒకటి.
- ఇంకా శాన్ ఫ్రాన్సిస్కోలో గోల్డెన్ గేట్ బ్రిడ్జ్, ఆస్ట్రేలియాలోని ఉలురు అనే కల్చరల్ లాండ్స్కేప్, దుబాయిలో బుర్జ్ ఖలీఫా వంటివి ఈ లిస్ట్లో ఉన్నాయి.
