భద్రాద్రికొత్తగూడెం, వెలుగు: అనర్హులకు డబుల్బెడ్రూమ్ఇండ్లు కేటాయిస్తున్నారని ఆరోపిస్తూ కొత్తగూడెం టౌన్కు చెందిన లబ్ధిదారులు సోమవారం స్థానిక కలెక్టరేట్ముట్టడికి యత్నించారు. మహిళలు పెద్ద ఎత్తున తరలివచ్చి ఇండ్ల కేటాయింపుల్లో అక్రమాలు జరుగుతున్నాయని ఆందోళన చేశారు. ఆఫీసర్లు, బీఆర్ఎస్కౌన్సిలర్లు కుమ్ముక్కై తమ బంధువులు, అనుచరులకు ఇప్పించుకుంటున్నారని వాపోయారు.
కలెక్టరేట్లోనికి చొచ్చుకెళ్లేందుకు ప్రయత్నించగా పోలీసులు అడ్డుకున్నారు. ఈ క్రమంలో కొంత ఉద్రిక్తత చోటుచేసుకుంది. విషయం తెలుసుకున్న డీఆర్ఓ అశోక్ చక్రవర్తి ఆందోళనకారుల వద్దకు వచ్చి సముదాయించేందుకు ప్రయత్నించారు. లబ్ధిదారులు ఆయనతో వాగ్వావాదానికి దిగారు. తమకు న్యాయం చేయకపోతే కలెక్టరేట్ముందే ఆత్మహత్య చేసుకుంటామని పలువురు మహిళలు హెచ్చరించారు. అనర్హులు ఉంటే గుర్తించి తొలగిస్తామని, ఎంపిక చేసిన లిస్ట్ను మరోసారి పరిశీలిస్తామని అధికారులు చెప్పడంతో ఆందోళన విరమించారు. అనంతరం అధికారులు కొత్త అప్లికేషన్లు తీసుకున్నారు.
