అది ఢిల్లీలోని ఓ మెయిన్‌ రోడ్డు. పక్కన పిల్లర్లున్నయి. వాటికి వర్టికల్‌ గార్డెన్‌ డిజైన్‌ చేసుంది. అంటే చిన్న చిన్న మొక్కల కుండీలు ఒకదానిపై ఒకటి పెట్టారన్నమాట. ఇంతలో ఓ అంకులొచ్చారు. మంచిగ ప్యాంటు, షర్టు వేసుకొని, టక్‌ చేసుకొని ఉన్నడు. ఆ మొక్కల దగ్గరకు పోయిండు. నీళ్లు పోస్తడేమో అనుకునేరు. మట్టిని పారేసి ఆ ప్లాస్టిక్‌ కుండిని వెంట తెచ్చుకున్న సంచిలో వేసుకున్నడు. ఇదంతా వెనుక నుంచి ఎవరో వీడియో తీస్తుంటే చూసిండు. ఇంకేముంది.. ఉరుకుడే ఉరుకుడు. అర నిమిషంలో మాయమైండు. మళ్ల కనిపిస్తే ఒట్టు. ఈ వీడియో ఇంటర్నెట్‌‌లో వైరలైంది. ‘ఆ కుండీలను ఏం చేసుకుంటడబ్బా?’ అని ఒకరు కామెంట్‌ చేస్తే.. ‘కచ్చితంగా మొక్కలైతే నాటడు’ అని మరొకరు.. ‘ఇలాంటి వాళ్లకు బుద్ధి చెప్పాల్సిందే’ అని ఇంకొకరు అన్నారు.
