- భద్రాద్రి కలెక్టరేట్ లోని పలు
- ఆఫీస్లను తనిఖీ చేసిన కలెక్టర్
భద్రాద్రికొత్తగూడెం, వెలుగు : భద్రాద్రికొత్తగూడెం ఇంటిగ్రేటెడ్ కలెక్టరేట్లో గురువారం కలెక్టర్ అంకిత్ హల్చల్ చేశారు. విద్య, ఎస్సీ వెల్ఫేర్, పౌరసరఫరాల శాఖ, కార్మిక శాఖ, ఉపాధి కల్పన శాఖ, వైద్యారోగ్య శాఖల ఆఫీస్లను తనిఖీ చేశారు. ఆఫీస్ టైం అవుతున్నా ఎందుకు డ్యూటీకి రాలేదని ప్రశ్నించారు. సరైన కారణాలు లేకుండా ఆలస్యంగా డ్యూటీకి వస్తుండడంతో కలెక్టర్ అసహనం వ్యక్తం చేశారు.
10.30 దాటుతున్నా సిబ్బంది ఆఫీస్కు రాకపోవడం, ఆఫీసర్లు పట్టించుకోకపోవడంపై అసంతప్తి వ్యక్తం చేశారు. హాజరు రిజిష్టర్లను పరిశీలించి, పౌరసరఫరాల శాఖ అధికారి లేకపోవడంతో ఫోన్ చేసి మాట్లాడారు. హెల్త్ డిపార్ట్మెంట్, డీసీహెచ్ఎస్ ఆఫీస్లో సీనియర్, జూనియర్ అసిస్టెంట్లు రాకపోవడంపై ఆగ్రహం వ్యక్తం చేశారు. ఆలస్యంగా డ్యూటీకి వచ్చిన ఉద్యోగుల ఒక రోజు జీతం కట్ చేయాలని అధికారులను ఆదేశించారు.
