ఖమ్మం జిల్లా వెలుగుమట్లలో జులై 15న తీవ్ర ఉద్రిక్త వాతావరణం నెలకొన్నాయి. భూదాన్‌ భూముల్లో పేదలు వేసుకున్న గుడిసెల కూల్చివేతకు అధికారులు వచ్చారు. వారిని అడ్డుకునేందుకు స్థానికులు తరలివచ్చారు. ఇరువర్గాల రాకతో ఆ ప్రాంతంలో పరిస్థితులు నివురుగప్పిన నిప్పులా మారాయి. అధికారులు రాగానే స్థానికులు వారిని అడ్డుకున్నారు. దీంతో మధ్య ఘర్షణలు జరిగాయి. పోలీసులు సర్ది చెప్పడానికి ప్రయత్నిస్తున్నా.. ప్రజలు వెనకడుగేయట్లేదు. తమ స్థలాల్లో వేసుకున్న గుడిసెలను ఎందుకు తొలగిస్తారని పోలీసులతో వాగ్వాదానికి దిగారు. ఈ క్రమంలో లాఠీఛార్జ్ అయిందని సమాచారం.
ఇదీ చరిత్ర..
ఖమ్మం జిల్లాలోని వెలుగుమట్లలో 147, 148,149 సర్వే నంబర్లలో భూదాన్‌కు సంబంధించిన 62 ఎకరాల భూమి ఉంది. 2014లో ఈ భూములకు సంబంధించి స్థానికులు దరఖాస్తు చేసుకున్నారు. ఆ భూముల్ని ప్రభుత్వం ఇవ్వలేదు. అప్పటి నుంచి ప్రభుత్వానికి స్థానికులకు మధ్య వివాదం నడుస్తోంది. ఏళ్లుగా పోరాటం చేస్తున్న భూములు పంచట్లేదని స్థానికులు ఆవేదన వ్యక్తం చేస్తున్నారు. వాటిని ఇచ్చే వరకు తమ పోరాటం ఆపబోమని స్పష్టం చేస్తున్నారు.
