బిగ్ బాస్ తెలుగు 9 సీజన్ చివరి దశకు చేరుకుంటున్న కొద్దీ, ఎలిమినేషన్ ప్రక్రియ మరింత ఉత్కంఠగా మారుతోంది. గత వారం ఎలిమినేషన్ జరగకపోవడం, అలాగే హౌస్‌లో సభ్యుల సంఖ్య ఎక్కువగా ఉండటంతో, ఈ వారం తప్పకుండా డబుల్ ఎలిమినేషన్ ఉండే అవకాశం ఉందని టాక్ వినిపిస్తున్నాయి. ఈ శనివారం హోస్ట్ నాగార్జున కంటెస్టెంట్ సంజనపై తీవ్ర ఆగ్రహం వ్యక్తం చేసి, ఆమెను హౌస్ నుంచి వెళ్లిపోవచ్చని గేట్లు తెరవడంతోనే ఈ ఎపిసోడ్ రసవత్తరంగా మారింది. అయితే, సంజన వెంటనే వైదొలగకపోయినా, ఆమె ఎలిమినేషన్ ముప్పులో ఉన్న బలహీన కంటెస్టెంట్‌గా మిగిలిపోయింది. కానీ ఈ సారి బిగ్ బాస్ ఊహించని నిర్ణయం తీసుకోబోతున్నారని సమాచారం.
ఎలిమినేషన్ జోన్‌లో ఉన్నది ఎవరు?
ఈ వారం నామినేషన్లలో ఉన్న కంటెస్టెంట్లలో చివరి నిమిషం వరకు గట్టి పోటీ ఎదుర్కొంటున్న ముగ్గురు కంటెస్టెంట్లు దివ్య, సంజన, సుమన్ శెట్టి. వీరిలో ఓటింగ్ సరళిని బట్టి చూస్తే, ఈసారి హౌస్ నుంచి బయటకు వెళ్లే కంటెస్టెంట్ ఎవరో దాదాపుగా ఖరారైనట్లు తెలుస్తోంది. ఈ సీజన్‌లో గత వారం ఎలిమినేషన్ జరగకపోవడం, అలాగే షో గ్రాండ్ ఫినాలేకు చేరుకోవడానికి సమయం దగ్గర పడటంతో, ఈ వారం మేకర్స్ డబుల్ ఎలిమినేషన్ నిర్ణయం తీసుకున్నా.. చివరికి ఊహించని ట్విస్ట్ ఇవ్వబోతున్నారు బిగ్ బాస్.
డెంజన్ లో ముగ్గురు
గత కొన్ని వారాలుగా కంటెంట్ పరంగా, ఆకట్టుకునే ఆట పరంగా వెనుకబడిన కంటెస్టెంట్ దివ్య. ఆమె ఓటింగ్ పర్సెంటేజ్ అత్యంత తక్కువగా ఉన్నట్లు సమాచారం. అందువలన ఈ వారం ఆమె ఎలిమినేషన్ దాదాపుగా ఖరారైనట్లు తెలుస్తోంది. ఆమె గత వారం కూడా డేంజర్ జోన్‌లో ఉన్నా, 'పవరాస్త్ర' కారణంగా సేవ్ అయింది. ఈ సారి మాత్రం దివ్య హౌస్ నుంచి బయటకు వెళ్లిపోవడం ఖాయం అంటున్నారు.
సంజన సేఫ్?
నాగార్జునతో పర్సనల్ అటాక్ విషయంలో గట్టి వార్నింగ్ అందుకున్న సంజన, ప్రేక్షకుల నుంచి కూడా తీవ్ర వ్యతిరేకతను ఎదుర్కొంటోంది. అయితే, ఆమె ఆటతీరులో ఉన్న డ్రామా కారణంగా కొంతమంది ఓట్లు పడ్డాయి. డబుల్ ఎలిమినేషన్ జరిగితే ఆమె ప్రమాదంలో ఉంది. దివ్య తర్వాత అత్యల్ప ఓట్లు సంజనకే వచ్చాయని సమాచారం. ఇక సుమన్ శెట్టి తన హాస్యం, అమాయకత్వంతో ప్రేక్షకులను అలరించినా, అతడి ఆటతీరు ఇంకా బలంగా మారకపోవడంతో మధ్యలో ఉండిపోయారు. డబుల్ ఎలిమినేషన్ సంభవించినా, సంజన కంటే అతనికి స్వల్పంగా ఎక్కువ ఓట్లు వచ్చాయని తెలుస్తోంది.
దివ్య ఎలిమినేషన్ ఖాయం!
ఒకవేళ ఒక్క ఎలిమినేషన్ మాత్రమే జరిగితే, అది ఖచ్చితంగా దివ్య అయ్యే అవకాశం ఉంది. అదే డబుల్ ఎలిమినేషన్ జరిగితే, దివ్యతో పాటు సంజన లేదా సుమన్ శెట్టిలలో ఒకరు ఇంటి నుంచి బయటకు వెళ్లడం పక్కా. సంజనపై ఉన్న నెగెటివ్ ఇంపాక్ట్ కారణంగా ఆమెనే రెండవ వ్యక్తిగా నిష్క్రమించే అవకాశాలు బలంగా కనిపిస్తున్నాయి. కానీ రితూ--- పవన్ విషయంతో ఓటర్లు సంజనాకే మద్దతు ఇచ్చినట్లు టాక్ వినిపిస్తోంది. దీంతో ఈ వారం సింగిల్ ఎలిమినేషన్ మాత్రమే ఉండే అవకాశం ఉందని సమాచారం.
అయితే, బిగ్ బాస్ హౌస్‌లో ఆఖరి నిమిషంలో ఎటువంటి మలుపు అయినా తిరగవచ్చు. హోస్ట్ నాగార్జున తుది నిర్ణయాన్ని ప్రకటించే వరకు వేచి చూడక తప్పదు. మరి ఈ వారం ఎలిమినేషన్ డ్రామాలో ఏ కంటెస్టెంట్ జర్నీ ముగుస్తుందో చూడాలి..
