బిగ్ బాస్ (Bigg Boss)..ఈ వినూత్న షోకు ప్రపంచవ్యాప్తంగా కోట్ల మంది ఫ్యాన్స్ ఉన్నారు. కొంతమందిని ఒక హౌస్ లో ఉంచి..వారికి ప్రపంచంతో సంబంధాన్ని కట్ చేసి, టాస్కుల పేరుతో వాళ్ళల్లో వాళ్లకె గొడవలు పెట్టిస్తూ ముందుకు సాగడం ఈ షో స్పెషాలిటీ. ఇప్పటికే ఏడు సీజన్లు దుమ్ముదులిపేశాయ్. ఇప్పుడు తెలుగులో బిగ్ బాస్ ఎనిమిదో సీజన్ అప్డేట్ వచ్చింది. వివరాల్లోకి వెళితే..
"లేడీస్ అండ్ జెంటిల్మెన్ బిగ్ బాస్ సీజన్ 8 (Bigg Boss 8) రాబోతుంది. తాజాగా సీజన్ 8 టీజర్ రిలీజ్ చేశారు.ఈసారి అపరిమితమైన వినోదాన్ని మీ ముందుకు తీసుకువస్తున్నాము..మీరు ధైర్యంగా ఉండండి!" అంటూ వచ్చిన టీజర్ ఆకట్టుకుంటోంది.ఈ టీజర్లో కమెడియన్ సత్య కామెడీ, కింగ్ నాగ్ పంచ్ డైలాగ్ అదిరిపోయింది.
క్రియేటివ్గా ఉన్నఈ టీజర్లో కమెడియన్ సత్య అందరినీ నవ్వించేశాడు. కింగ్ నాగ్ గెటప్ కూడా చాలా కొత్తగా ఉంది. అంతేకాదు..ఈ సీజన్8 షో స్పెషాలిటీ గురించి నాగ్ చెప్పేసాడు. 'అన్ లిమిటెడ్ ఎంటర్టైన్మెంట్..ఒక్కసారి కమిట్ అయితే ఇక్కడ అన్ లిమిటెడ్..లిమిటే లేదు' అని నాగ్ చెప్పుకొచ్చాడు. అంటే ఈసారి లిమిటే లేకుండా ఎంటర్టైన్మెంట్ ఇస్తామని నాగ్ ఆడియన్స్ కు హామీ ఇచ్చేశాడు.
Also Read :- ఒకప్పుడు క్యారెక్టర్ ఆర్టిస్ట్-ఇప్పుడు గెస్ట్!
ఆసక్తిగా టీజర్:
దొంగైన కమెడియన్ సత్య ఓ షాప్ లూటీ చేయడానికి వెళతాడు. అక్కడ ఉన్న అద్భుత దీపాన్ని తాకుతాడు. అందులోనుండి జీనీ రోపంలో నాగార్జున వస్తాడు. నీకు కావాల్సింది ఏదైనా కోరుకో..అన్ లిమిటెడ్ గా ఇస్తాను అని సత్యతో నాగార్జున అంటాడు. ఈ అన్ లిమిటెడ్ అనే పదంలోనే అసలు మతలబు ఉంది. బిగ్ బాస్ 8లోగో లో ఎనిమిదిని ఇన్ఫినిట్(అనంతం) వలె డిజైన్ చేశారు. దీంతో అన్ లిమిటెడ్ ఎంటర్టైన్మెంట్..అనేది ఆడియన్స్లో సర్ప్రైజ్ రేపింది.
బిగ్ బాస్ 8 తెలుగు సీజన్కు నాగార్జునే హోస్ట్ గా వ్యవహరించడం టీజర్ తో కన్ఫమ్ కాగా..ఈసారి తన రెమ్యునరేషన్ భారీగా పెంచేసినట్లూ తెలుస్తోంది. గత సీజన్ కంటే ఈసారి అది రెట్టింపు కావడం గమనార్హం. అయితే ఈ కొత్త సీజన్లో కంటెస్టెంట్లను రెండు గ్రూపులుగా విభజించబోతున్నట్లు వస్తున్న వార్తలు ఆసక్తి రేపుతున్నాయి. కాగా సీజన్ 8 మేనియా సెప్టెంబర్ 8న ఫస్ట్ ఎపిసోడ్ షురూ అయ్యే అవకాశం ఉంది.
