వృద్ధురాలిపై సామూహిక అత్యాచారం, హత్య చేసిన కేసులో బీహార్‌లోని నవాడ పోలీసులు డిసెంబర్ 30న నలుగురిని అరెస్ట్ చేశారు. అరెస్టయిన వారిని సునీల్ యాదవ్, విపిన్ యాదవ్, పింటు యాదవ్, నిరంజన్ యాదవ్‌లుగా గుర్తించారు. ఐదో నిందితుడు కారు యాదవ్ ఇంకా పరారీలో ఉన్నాడు. నిందితులు 60 ఏళ్ల వృద్ధురాలిపై సామూహిక అత్యాచారానికి పాల్పడడమే కాకుండా.. ఆమె రొమ్ములు, గొంతు కోసి దారుణంగా హత్య చేశారు. ఈ సంఘటన డిసెంబర్ 25 (సోమవారం) జరిగింది.
బాధితురాలు గయా జిల్లాలోని జహానా గ్రామ నివాసి. ఆమె తన భర్తతో కలిసి నవాడలోని తన బంధువును కలిసేందుకు వచ్చింది. డిసెంబరు 25న వారు రైలులో నవాడ చేరుకున్న తర్వాత, ఆమె భర్త తన మొబైల్ ఫోన్‌కు రీఛార్జ్ చేయడానికి సమీపంలోని దుకాణానికి వెళ్లాడు, ఆమె రోడ్డుపై వేచి ఉంది. అదే సమయంలో అంత్యక్రియల ఊరేగింపు జరుగుతుండగా, రోడ్డుపై పెద్ద సంఖ్యలో ప్రజలు గుమిగూడారు. భర్త తెలిపిన వివరాల ప్రకారం, దుకాణం నుండి తిరిగి వచ్చిన తర్వాత ఆమె అతనికి కనిపించలేదని నవాడలోని SDPO సదర్ అజయ్ ప్రసాద్ చెప్పారు.
పోలీసుల విచారణ:
డిసెంబర్ 26 (మంగళవారం)న ఖరీదీ బిఘా ప్రాంతంలో ఆమె ఛిద్రమైన మృతదేహాన్ని పోలీసులు కనుగొన్నారు. ఆ ప్రాంతంలోని సీసీటీవీ ఫుటేజీని పరిశీలించిన తర్వాత నిందితుల్లో ఒకరైన సునీల్ యాదవ్‌ను గుర్తించామని ప్రసాద్ తెలిపారు. "విచారణ సమయంలో, సునీల్ యాదవ్ బాధితురాలిని ఆకర్షించి, పట్టణం చుట్టూ ఒక ఇ-రిక్షా మీద ప్రయాణించడానికి ఆమెను తీసుకువెళ్ళాడు. ఆ సమయంలో అతని నలుగురు స్నేహితులు కూడా అతనితో చేరారు. ఆ తర్వాత మహిళను నిర్జన ప్రదేశానికి తీసుకెళ్లి సామూహిక అత్యాచారం చేశారు. నేరం చేసిన తర్వాత ఆమె గొంతు కోసి, రొమ్ములు కోశారు. ఆ తర్వాత మృతదేహాన్ని కాలువలో పడేశారని ప్రసాద్ తెలిపారు.
नगर थाना क्षेत्र अंतर्गत वृद्ध महिला की हत्या के कांड में नवादा पुलिस ने किया 4 अभियुक्त को गिरफ्तार।https://t.co/3IErhGuYRT@bihar_police #nawadapolice #नवादा pic.twitter.com/cS6kXR0XQW
— Nawada Police (@nawadapolice) December 30, 2023
