బీహార్ ముఖ్యమంత్రి నితీష్ కుమార్ కు తృటిలో ప్రాణాపాయం తప్పింది. ఆయన ప్రయాణిస్తున్న పడవ.. గంగానదిలో నిర్మాణంలో ఉన్న జేపీ సేతు బ్రిడ్జ్ పిల్లర్ ను ఢీకొట్టింది. గంగానదిలో ఉన్న ఛత్ పూజా ఘాట్లను పరిశీలించేందుకు వెళ్లిన సమయంలో ఈ ప్రమాదం చోటుచేసుకుంది. అయితే ఈ ప్రమాదంలో ఎవరికీ ఏమీ కాకపోవడంతో అందరూ ఊపిరి పిల్చుకున్నారు. పడవకు చిన్న డ్యామేజ్ కావడంతో మరొక పడవలోకి వెళ్లి ఆయన ఒడ్డుకు చేరుకున్నారు. ఈ సమయంలో పడవలో సీఎం సహా పలువురు అధికారులు కూడా ఉన్నారు.
కాగా, ఏటా దీపావళికి ముందు ఛట్ పూజలు చేస్తున్నారు. 4 రోజుల పాటు జరిగే ఈ వేడుకలకు పెద్దఎత్తున భక్తులు తరలి వస్తుంటారు. ఇక్కడ భక్తులు నీళ్ళలో నిలబడి సూర్య నమస్కారాలు చేస్తుంటారు. అక్టోబర్ 30న ఛట్ పూజలు ప్రారంభం కానున్నాయి.
