రెండోవ వివాహాం చేసుకోవాలనుకునే ప్రభుత్వ ఉద్యోగులు ఎవరైనా సరే తమ సంబంధిత ఉన్నతాధికారుల అనుమతి తప్పనిసరి అంటూ బిహార్ ప్రభుత్వం తాజాగా కొత్త చట్టం తీసుకువచ్చింది. అధికారులు అనుమతి వచ్చిన తర్వాతే రెండో పెళ్లి చేసుకోవాల్సి ఉంటుందని ఆ రాష్ట్ర ప్రభుత్వం తాజాగా నోటిఫికేషన్‌ను విడుదల చేసింది.
భార్య/భర్త బతికి ఉండగానే, అలాగే విడాకులు తీసుకోకుండానే ఇటీవల చాలామంది రెండో పెళ్లిళ్లు చేసుకుంటుండడం, ఆపై ఉద్యోగం, పెన్షన్‌, సంబంధిత వివాదాలు, న్యాయపరమైన చిక్కులు తలెత్తుతుండడంతో ప్రభుత్వం ఈ నిర్ణయం తీసుకుంది. ప్రభుత్వ నోటిఫికేషన్ ప్రకారం.. రెండో వివాహం చేసుకునే ఏ ఉద్యోగి అయినా ముందుగా విడాకులు అయిన విషయాన్ని, భార్య/భర్త చనిపోయిన విషయాన్ని సంబంధిత అధికారులకు తెలియజేయాలి.
అలా కాకుండా రెండో పెళ్లి చేసుకుంటే.. రెండో భార్య/భర్తకు ఎలాంటి ప్రభుత్వ సదుపాయాలు అందవని తెలిపింది. అలాంటి సమయంలో మొదటి భాగస్వామి ద్వారా పిల్లలు ఉంటే.. వాళ్లకే ప్రాధాన్యత ఇస్తుందని బిహార్ ప్రభుత్వం స్పష్టంగా పేర్కొంది.
