గచ్చిబౌలి, వెలుగు: ఐటీ కారిడార్ రోడ్లపై బైక్లతో ప్రమాదకరంగా స్టంట్లు చేస్తున్న ఆరుగురు యువకులను రాయదుర్గం పోలీసులు అరెస్ట్ చేశారు. పోలీసులు తెలిపిన వివరాల ప్రకారం.. టీ హబ్ రోడ్లో బుధవారం అర్ధరాత్రి కొందరు యువకులు ప్రమాదకరంగా స్టంట్లు చేస్తున్నట్లు పోలీసులకు సమాచారం అందింది.
తెల్లవారుజామున 2 గంటలకు టీ హబ్ రోడ్ వద్దకు వచ్చిన ఎస్వోటీ పోలీసులు.. లంగర్ హౌస్ కు చెందిన షేక్ సల్మాన్(21), అఫ్రోజ్ ఖాన్(20), మహ్మద్ సొహైల్(20), ఇమ్రాన్ ఖాన్, మీర్ సొహైల్(20), మహ్మద్ ఇమ్రాన్(21)ను అదుపులోకి తీసుకొని రాయదుర్గం పీఎస్కు తరలించారు. వీరి నుంచి 3 బైక్లను స్వాధీనం చేసుకున్నారు. కేసు ఫైల్ చేసి దర్యాప్తు చేపట్టినట్లు పోలీసులు తెలిపారు.
