రాష్ట్రంలో కొన్నిరోజులుగా కురుస్తున్న వర్షాలు బీభత్సం సృష్టిస్తున్నాయి. దీంతో రహదారులన్నీ జలమయమయ్యాయి. లోతట్టు ప్రాంతాల్లో వరద నీరు చేరి, కొన్ని ప్రాంతాల్లో నివాస ప్రాంతాలు సైతం చెరువులను తలపిస్తున్నాయి. ఈ నేపథ్యంలో హైదరాబాద్ నగరంలో జరిగిన ఓ సంఘటన అందర్నీ ఆశ్చర్యపరిచింది. ఇప్పటి వరకూ రోడ్లు, ఇంట్లోని సామాన్లు, ఇతర వాహనాలు కొట్టుకోవడం మాత్రమే చూశాం. కానీ ఈ సారి వరదలో కొట్టుకుపోతున్న బిర్యానీ హండీకి సంబంధించిన ఓ వీడియో ప్రస్తుతం సోషల్ మీడియాలో వైరల్ అవుతోంది.
Somebody is going to be unhappy for not getting his biryani order.#Hyderabad #HyderabadRains pic.twitter.com/OPdXsjSoKs
— Ibn Crowley (@IbnFaraybi) July 28, 2022
హైదరాబాద్ లోని ఓ రెస్టారెంట్ కు చెందిన ఓ ఖాళీ బిర్యానీ హండీ వరదనీటిలో కొట్టుకుపోయింది. బిర్యానీ హండీ, దానిపై ఉన్న మరో పాత్ర కూడా వరదనీటిలో కొట్టుకుపోతున్న దృశ్యాలను వీడియో తీసి కొందరు సోషల్ మీడియాలో పోస్టు చేశారు. దీంతో ప్రస్తుతం అది నెట్టింట్లో చక్కర్లు కొడుతోంది. ఈ నేపథ్యంలో ఈ వీడియోపై నెటిజన్లు పలురకాలుగా స్పందిస్తున్నారు. ఫాస్ట్ డెలివరీ అంటే ఇదేనా అంటూ ఫన్నీగా కామెంట్స్ చేస్తున్నారు. అయితే వీడియో పోస్ట్ చేసిన ట్విట్ట్ లో హైదరాబాద్ హ్యాష్ ట్యాగ్ ఉంది. కానీ ఈ ఘటన హైదరాబాద్ లో ఎక్కడ జరిగిందన్న విషయం మాత్రం తెలియలేదు.
