- తమకు చెప్పకుండా సర్వే ఎలా చేస్తారని ఫైర్
- భూములు ఇచ్చేది లేదన్న చిన్నచింతకుంట వాసులు
నర్సాపూర్, వెలుగు: మెదక్ జిల్లా నర్సాపూర్ మండలంలోని చిన్నచింత కుంట గ్రామంలో కొండపోచమ్మ, సంగారెడ్డి కెనాల్ నిర్మాణంలో భూములు కోల్పోతున్న రైతుల పొలాల్లో బోర్లు, చెట్లు, ఇతర నిర్మాణాల వివరాలను సేకరించేందుకు మంగళవారం ఇరిగేషన్ ఆఫీసర్లు వచ్చారు. అయితే, తమకు చెప్పకుండా వచ్చి భూముల్లో సర్వే ఎలా చేస్తారంటూ రైతులు ఇరిగేషన్ ఆఫీసర్లపై మండిపడడంతో పాటు, వారిని గ్రామ పంచాయతీ ఆఫీసులో నిర్బంధించారు. కాల్వలు వస్తే తమకు ఉపయోగం లేదని, ప్రాణాలు పోయినా భూమి ఇచ్చేది లేదని తేల్చి చెప్పారు. సర్వే చేయం అని ఆఫీసర్లు చెప్పడంతో వదిలిపెట్టారు.
