న్యూఢిల్లీ: నవంబర్7న జరిగే మిజోరం అసెంబ్లీ ఎన్నికలకు సంబంధించి బీజేపీ 21 మంది అభ్యర్థుల జాబితాను విడుదల చేసింది. మొదలు12 మంది, తర్వాత 9 మంది అభ్యర్థుల లిస్ట్ను పార్టీ హైకమాండ్బుధవారం రిలీజ్ చేసింది. బీజేపీ స్టేట్చీఫ్ గా ఉన్న వన్‌లాల్‌ముకా ఈసారి దంపా నియోజకవర్గం నుంచి పోటీ చేయనుండగా, మిజోరాం అసెంబ్లీ మాజీ స్పీకర్ లాల్రిన్లియానా సైలోను పార్టీ మమిత్ నియోజకవర్గం నుంచి బరిలోకి దింపింది. 40 స్థానాలు ఉన్న ఈ రాష్ట్రంలో కాంగ్రెస్ ఇప్పటికే పూర్తి స్థాయిలో అభ్యర్థులను ప్రకటించింది. 2018 అసెంబ్లీ ఎన్నికల్లో మిజో నేషనల్ ఫ్రంట్ 37.8 శాతం ఓట్లతో 26 స్థానాలను కైవసం చేసుకోగా, కాంగ్రెస్ ఐదు స్థానాలు, బీజేపీ ఒకస్థానం దక్కించుకున్నాయి.
