దేశ రాజధాని ఢిల్లీలో రేపట్నుంచి రెండు రోజుల పాటు బీజేపీ జాతీయ కార్యవర్గ సమావేశాలు జరగనున్నారు. పీఎం మోడీ, హోం మంత్రి అమిత్ షా, పార్టీ అధ్యక్షుడు జేపీ నడ్డాలతో పాటు 350 మంది ప్రతినిధులు ఈ మీటింగ్కు హాజరుకానున్నారు. సోమవారం సాయంత్రం 4 గంటలకు పార్టీ అధ్యక్షుడు జేపీ నడ్డా ప్రసంగంతో సభ ప్రారంభం కానుంది. 17న ప్రధాని మోడీ స్పీచ్తో సమావేశం ముగియనుంది.
ఎగ్జిక్యూటివ్ మీటింగ్ బీజేపీ జాతీయ అధ్యక్షుడు జేపీ నడ్డా పదవీకాలాన్ని పొడిగించే అవకాశం ఉంది. ఈ నెల 20న ఆయన పదవీ కాలం ముగియనుంది. ఈ నేపథ్యంలో లోక్‌సభ ఎన్నికల వరకు ఆయనను అధ్యక్షుడిగా కంటిన్యూ చేసే ఛాన్సుంది. ఈ అంశంతో పాటు 9 రాష్ట్రాల అసెంబ్లీ ఎన్నికల్లో అనుసరించాల్సిన వ్యూహాలపైనా జాతీయ కార్యవర్గం చర్చించనుంది. రాజకీయ, ఆర్థిక ప్రతిపాదనలతో పాటు జీ-20 సదస్సుకు సంబంధించిన కార్యక్రమాలు అందులో బీజేపీ ఎంపీలు, ఎమ్మెల్యేలు, కార్యకర్తల భాగస్వామ్యంపై చర్చించే అవకాశముంది. దీంతో పాటు వచ్చే లోక్‌సభ ఎన్నికలకు రూట్‌మ్యాప్ సిద్ధం చేసే అవకాశం కనిపిస్తోంది.
