కాశీబుగ్గ, వెలుగు: హనుమాన్ గుడి జంక్షన్ నుంచి కోట వరకు వెళ్లే రహదారి అధ్వానంగా మారిందని, ఆ రహదారిలో అడుగడుగునా గుంతలు ఏర్పడ్డాయని బీజేపీ ఆధ్వర్యంలో సోమవారం గుంతల్లో పూలు చల్లి నిరసన వ్యక్తం చేశారు. ఈ సందర్భంగా బీజేపీ స్టేట్ లీడర్, అర్బన్ బ్యాంక్ చైర్మన్ ఎర్రబెల్లి ప్రదీప్ రావు మాట్లాడుతూ ఖిలా వరంగల్లోని హనుమాన్ జంక్షన్ నుంచి కోట వరకు వెళ్లే రహదారిలో అర కిలోమీటర్ దూరంలోనే అరవైకిపైగా గుంతలు ఉండటంతో ప్రజలు తీవ్ర ఇబ్బందులు ఎదుర్కొంటున్నారు.
నిత్యం ఎంతో మంది ప్రయాణిస్తున్న ఈ రోడ్డు మరమ్మతులు చేపట్టాలని డిమాండ్చేశారు. కార్యక్రమంలో వరంగల్ జిల్లా ఉపాధ్యక్షుడు కందిమల్ల మహేశ్, ఖిలా వరంగల్ మండల ఉపాధ్యక్షుడు నాండ్రే అమర్ నాథ్, మండల ప్రధాన కార్యదర్శి గొల్ల రాజుకుమార్, ఓబీసీ మోర్చా అధ్యక్షుడు బోలుగొడ్డు సతీశ్ తదితరులున్నారు.
