- హాజరుకానున్న సునీల్ బన్సల్, తరుణ్ చుగ్
హైదరాబాద్, వెలుగు: బీజేపీ రాష్ట్ర కార్యవర్గ సమావేశాలు ఈ నెల 23, 24న మహబూబ్ నగర్ జిల్లా కేంద్రంలో జరగనున్నాయి. ఆ పార్టీ రాష్ట్ర సంస్థాగత, రాజకీయ ఇన్చార్జీలు సునీల్ బన్సల్, తరుణ్ చుగ్ ఈ సమావేశాలకు హాజరుకానున్నారు. స్టేట్ చీఫ్ బండి సంజయ్ అధ్యక్షతన 23న ఆఫీస్ బేరర్ల మీటింగ్, 24న రాష్ట్ర కార్యవర్గ సమావేశాలు జరుగనున్నాయి. రాష్ట్రంలో అధికారమే లక్ష్యంగా ఈ సమావేశాల్లో పలు కీలక అంశాలపై చర్చించి, తీర్మానం చేయనున్నారు. వచ్చే నెల 5 నుంచి ప్రారంభమయ్యే 9 వేల కార్నర్ మీటింగ్ల సక్సెస్, బైక్ ర్యాలీలు, పార్లమెంటరీ ప్రవాసీ యోజన ప్రోగ్రాంలు, బూత్ కమిటీల ఏర్పాటు, పార్టీ బలోపేతంపైనా చర్చించనున్నారు. ముందస్తు ఎన్నికలకు అనుసరించాల్సిన వ్యూహం, కేసీఆర్ సర్కార్ ప్రజావ్యతిరేక విధానాలను జనంలో ఎండగట్టడం, కేంద్ర ప్రభుత్వ స్కీమ్లను ఇంటింటికి తీసుకెళ్లడం వంటి అంశాలపైనా డిస్కస్ చేయనున్నారు. సుమారు 250 మంది నేతలు పాల్గొననున్నారు.
