మహబూబ్నగర్ అర్బన్, వెలుగు: బలమైన బూత్ కమిటీలు ఉంటేనే పార్టీ బలోపేతం అవుతుందని బీజేపీ రాష్ట్ర ఉపాధ్యక్షుడు కల్యాణ్ నాయక్ తెలిపారు. నగరంలోని ఆ పార్టీ జిల్లా ఆఫీస్లో ఆదివారం జిల్లా అధ్యక్షుడు పి.శ్రీనివాస్ రెడ్డి అధ్యక్షతన బూత్ నిర్మాణ్ అభియాన్ నిర్వహించారు. ఈ సందర్భంగా ఆయన మాట్లాడుతూ ప్రతి బూత్లో బలమైన నాయకత్వం కలిగి ఉండాలన్నారు.
ఓటరు జాబితాను సమీక్షిస్తూ సమావేశాలు నిర్వహించాలన్నారు. అప్పుడే బలమైన బూత్ కమిటీ నిర్మాణం జరుగుతుందన్నారు. ఆదివారం నుంచి ఈ నెల 18 వరకు మండల స్థాయి బూత్ నిర్మాణ్ అభియాన్ కార్యక్రమాలు ఉంటాయని, జనవరి 20 నుంచి ఫిబ్రవరి 11 వరకు బూత్ కమిటీల ఏర్పాటు చేయాలన్నారు.
ఫిబ్రవరి 25 నుంచి మార్చి 5 వరకు బూత్ లెవల్ సమీక్షలు నిర్వహించాలన్నారు. ఏప్రిల్ ఒకటి నుంచి 6 వరకు కమల్ ఉత్సవ్ నిర్వహించాలని సూచించారు. జిల్లా ప్రధాన కార్యదర్శి నాగిలిగారి రమేశ్ కుమార్, కిసాన్ మోర్చా రాష్ట్ర ఉపాధ్యక్షుడు ఎంబీ బాలకృష్ణ, నాయకులు నాగేశ్వర్ రెడ్డి, జయశ్రీ, అచుగట్ల అంజయ్య, గట్టు మల్లేశ్ పాల్గొన్నారు.
