మహానటి(Mahanati) ఫేమ్ దర్శకుడు నాగ్ అశ్విన్(Nag Ashwin) తెరకెక్కిస్తున్న ఇండియాస్ మోస్ట్ యాంటిసిపేటెడ్ మూవీ కల్కి 2898 ఏడీ(Kalki 2898 AD). పాన్ ఇండియా స్టార్ ప్రభాస్(Prabhas) హీరోగా వస్తున్న ఈ సినిమాలో బాలీవుడ్ బ్యూటీస్ దీపికా పదుకొనె, దిశా పటాని హీరోయిన్స్ గా నటిస్తున్నారు. హాలీవుడ్ రేంజ్ లో దాదాపు రూ.700 కోట్ల బడ్జెట్ తో తెరకెక్కుతున్న ఈ సినిమాలో బిగ్ బి అమితాబ్ బచ్చన్, లోకనాయకుడు కమల్ హాసన్ కూడా కీ రోల్స్ చేస్తున్నారు. అందుకే ఈ సినిమాపై అంచనాలు భారీగా పెరుగుతున్నాయి.
అయితే.. తాజాగా ఈ సినిమాపై ప్రశంసల వర్షం కురిపించారు బాలీవుడ్ స్టార్ అమితాబ్ బచ్చన్. ఆయన ఈ సినిమాలో అశ్వద్దామగా కనిపిస్తున్న విషయం తెలిసిందే. ఇటీవల ఆయన ఓ ఈవెంట్ లో పాల్గొనగా కల్కి గురించి మాట్లాడుతూ సినిమాని ఆకాశానికెత్తేశాడు. దర్శకుడు నాగ్‌అశ్విన్‌ ఆలోచనాశక్తి ఆద్భుతం. ఆయన ఆలోచనలు నన్ను ఆశ్చర్యానికి గురిచేశాయి. షూటింగ్‌ సమయంలోనే ఈ సినిమా ఖచ్చితంగా భారీ విజయం సాధిస్తుందనే భావన కలిగింది.
సినిమాలో కొన్ని సీన్స్‌ అద్భుతంగా అనిపిస్తాయి. ఆడియన్స్ ను మెస్మరైజ్ చేస్తాయి. రిలీజ్ తరువాత ప్రతి ఒక్కరూ ఈ సినిమాను ఎంతగానో ప్రశంసిస్తారు. ఇక బుజ్జి పాత్ర ఒక అద్భుతమని.. చెప్పుకొచ్చాడు అమితాబ్. ప్రస్తుతం ఆయన చేసిన ఈ కామెంట్స్ సోషల్ మీడియాలో వైరల్ అవుతున్నాయి. ఇక కల్కి సినిమా విషయానికి వస్తే.. ఈ సినిమా జూన్ 27న ప్రేక్షకుల ముందుకు రానుంది.
