- పలుకుబడితో పాటు ఇన్కమ్
- పొలిటికల్ పవర్తో ట్రాన్స్ఫర్లకు బ్రేక్
- సీఎం రేవంత్ గవర్నమెంట్కు చేరిన సమాచారం
- ఫైళ్లను పరిశీలిస్తున్న సీపీ కల్మేశ్మర్
నిజామాబాద్, వెలుగు : పోలీస్ డిపార్ట్మెంట్లో స్పెషల్ బ్రాంచ్(ఎస్బీ) వింగ్చాలా కీలకమైంది. వీరు యాంటీ సోషల్ఎలిమెంట్స్, దేశవిద్రోహులు, రౌడీల కదలికలను ఎప్పటికప్పుడు పరిశీలించి లా అండ్ఆర్డర్సమస్యలను ప్రభుత్వానికి ముందుగానే రిపోర్ట్చేస్తారు. పదేండ్ల పాటు రాష్ట్రంలో అధికారంలో ఉన్న బీఆర్ఎస్కు ఈ శాఖలో ఇన్ఫార్మర్లు ఉన్నారనే సమాచారంపై కాంగ్రెస్గవర్నమెంట్సీరియస్ గానజర్పెట్టింది. ఎలాంటి ట్రాన్స్ఫర్లు లేకుండా ఏండ్లుగా జిల్లాలో కొనసాగుతున్న వారి వివరాలు సేకరిస్తోంది. మూడేండ్లకు మించి ఎలాంటి బదిలీలు లేకుండా జిల్లాలో డ్యూటీలు చేస్తున్న ఎస్బీ ఆఫీసర్ల సీక్రెట్ చిట్టాను సీపీ కల్మేశ్వర్ పరిశీలిస్తున్నారు.
ఎనిమిదేండ్ల నుంచి ఒకే చోట..
బీఆర్ఎస్ పాలకులు ఈ వింగ్ను తమ చెప్పుచేతల్లో పెట్టుకున్నారు. పార్టీకి విధేయులుగా ఉన్న ఆఫీసర్ల జోలికి వెళ్లొద్దనే ఆదేశాలతో ఇన్నాళ్లు సైలెంట్ వాతావరణం నడిచింది. జిల్లాలో మొత్తం 15 మంది ఆయా స్థాయి ఆఫీసర్లుండగా ఐదుగురు ఎనిమిదేండ్లకు పైగా, మరో ఏడుగురు ఐదేండ్లకు మించి విధులు నిర్వహిస్తున్నారు. ఆరు నెలల కింద నిజామాబాద్ అర్బన్, బోధన్లో విధులు నిర్వహించే ఇద్దరు ఎస్బీ ఆఫీసర్లను ట్రాన్స్ఫర్ చేయగా, క్షణాల వ్యవధిలో వాటిని రద్దు చేస్తూ ఆర్డ ర్స్జారీ అయ్యాయి.
దీన్ని బట్టి వారికి పొలిటికల్ గా ఎంత సపోర్ట్ ఉందో అర్థం చేసుకోవచ్చు. బాన్సువాడకు చెందిన బీఆర్ఎస్ లీడర్ సోదరుడైన ఓ ఎస్బీ ఆఫీసర్ ఇన్నాళ్లు తనకు ట్రాన్స్ఫరే ఉండదనే ధీమాతో ఉన్నారు. ఆర్మూర్ సెగ్మెంట్లో విధులు నిర్వహిస్తున్న ఎస్బీ ఇన్చార్జి తీరూ అలాగే ఉంది. నిర్మల్ జిల్లా నుంచి వచ్చి ఓ ఆఫీసర్ ఐదేండ్లుగా కీలక పోస్ట్ లో కొనసాగుతున్నారు. మిగతా నియోజకవర్గాల్లోనూ ఐదేండ్లకు మించి పనిచేస్తున్న వారు ఉన్నారు. వీరిపై బీఆర్ఎస్ ముద్ర ఉండగా, ప్రభుత్వం మారడంతో వారిని మార్చే అవకాశాలు కనిపిస్తున్నాయి.
గరిష్ఠంగా మూడేండ్లు ..
స్పెషల్ బ్రాంచ్ విధులు చాలా కీలకమైనవి. పాస్పోర్ట్ అప్లికేషన్ల వెరిఫికేషన్, గవర్నమెంట్ జాబ్లు వచ్చిన వారి నేర చరిత్ర, విదేశాలకు వెళ్లేందుకు పాస్పోర్టులు, వీసాలు ఉన్న వారికి పోలీస్ క్లియరెన్స్సర్టిఫికెట్ల (పీసీసీ) జారీ తదితర విధులు నిర్వర్తిస్తారు. రాజకీయ పార్టీలు, ప్రజాసంఘాల వ్యూహాలను ఆరా తీసి నివేదించే బాధ్యత కూడా ఈ శాఖ ఆఫీసర్లపై ఉంటుంది.
యూనిఫామ్ లేకుండా నిత్యం ప్రజల మధ్య ఉంటూ డ్యూటీ చేసే ఎస్బీ ఆఫీసర్లను అందరూ గుర్తించే లోపే ట్రాన్స్ఫర్ చేయాలి. వీళ్లు గరిష్ఠంగా మూడేండ్లకు మించి ఒకేచోట పనిచేసే ఛాన్స్లేదు. ఈ నిబంధనలు జిల్లాలో అమలు కానందున అవినీతి బాగా పెరిగింది. కొందరు ఏకంగా లీడర్లకు ఏజెంట్లుగా మారారు.
