గోదావరిఖని, వెలుగు: రామగుండం నియోజకవర్గంలో ప్రశ్నిస్తే తమను ఎమ్మెల్యే కోరుకంటి చందర్‌ అణగదొక్కడానికి ప్రయత్నం చేస్తున్నారని బీఆర్ఎస్ అసంతృప్త లీడర్లు ఆరోపించారు. గురువారం సింగరేణి జీడీకే 11వ గనిపై కార్మికులతో, అనంతరం గోదావరిఖని ప్రెస్‌‌‌‌‌‌‌‌క్లబ్‌‌‌‌‌‌‌‌లో జరిగిన మీటింగ్‌‌‌‌‌‌‌‌లలో రామగుండం బీఆర్ఎస్ టికెట్ఆశిస్తున్న కందుల సంధ్యారాణి, మిర్యాల రాజిరెడ్డి, కొంకటి లక్ష్మినారాయణ, బయ్యపు మనోహర్‌ రెడ్డి, పాతపెల్లి ఎల్లయ్య మాట్లాడారు.
ప్రజలకు సేవ చేయడానికి తాము టికెట్అడుగుతున్నామని, జీర్ణించుకోలేని ఎమ్మెల్యే చందర్‌ తమను పార్టీ కార్యక్రమాలకు పిలవడం లేదని ఆరోపించారు. లీడర్లు, కార్యకర్తలను బెదిరింపులకు గురిచేస్తున్నారన్నారు. ఎమ్మెల్యే అవినీతి వల్ల వచ్చే ఎన్నికల్లో పార్టీ గెలిచే పరిస్థితి లేదని, అందుకే తమ ఐదుగురిలో ఒకరికి టికెట్ఇవ్వాలని హైకమాండ్‌‌‌‌ను కోరారు. ఈనెల 6న గోదావరిఖని‌‌‌‌లో ప్రజా ఆశీర్వాద సభ నిర్వహించనున్నట్లు అసంతృప్త లీడర్లు ప్రకటించారు.
