మహబూబాబాద్ జిల్లా బయ్యారం మండలం సింగారం గ్రామంలో ఎన్నికల ప్రచారం నిర్వహించిన ఇల్లందు బీఆర్ఎస్ ఎమ్మెల్యే హరిప్రియకు నిరసన సెగ తగిలింది. ప్రభుత్వ పథకాలు తమకు అందడం లేదంటూ హరిప్రియను సింగారం గ్రామస్తులు నిలదీశారు. ఈ క్రమంలో గ్రామస్తులకు, హరిప్రియకు మధ్య వాగ్వివాదం జరిగింది. అధికార పార్టీ, స్థానిక నాయకులపై గ్రామస్తులు ఆగ్రహం వ్యక్తం చేశారు.
కొత్తపేట గ్రామంలో తమ ఇల్లు కూలేపోయే స్థితిలో ఉందంటూ ఓ మహిళ ఎమ్మెల్యే హరిప్రియ చేయి పట్టుకుని తమ ఇంటికి తీసుకుపోయింది. తమ పరిస్థితిని తెలియజేసింది. తమకు డబుల్బెడ్రూమ్ ఇల్లు రాలేదంటూ ఆవేదన వ్యక్తం చేసింది.
హరిప్రియ నాయక్ ఎంత వారించినా గ్రామస్తులు ఏ మాత్రం వెనక్కి తగ్గకుండా ప్రశ్నల వర్షం కురిపించారు. ఈసారి ఎన్నికల్లో బీఆర్ఎస్ పార్టీని గెలిపించాలని, మూడోసారి కేసీఆర్ ముఖ్యమంత్రి అయిన తర్వాత సన్న బియ్యం ఇస్తారని ఎమ్మెల్యే హరిప్రియ చెప్పారు.
